AK和ANSONBEAN（陳毅燊）今日（6日）出席電影《我們不是什麼》開鏡。（娛樂組攝）
MIRROR成員AK(Anson Kong, 江𤒹生)和ANSONBEAN（陳毅燊）今日（6日）出席電影《我們不是什麼》開鏡，AK接受訪問表示：「我為咗呢套戲剪咗個新造型，我小學之後頭髮真係未試過咁短。我嗰日剪完頭髮之後就排舞，MIRROR嘅兄弟係有啲驚訝，問我搞咩點解剪咗個頭？同埋我好似第一次留鬍鬚開工。」講到這次拍攝的新作品是BL題材，他回應：「呢一齣戲係超越界限，究竟係男男戀，女女戀定係男女戀，有好多變化，大家可以拭目以待。」
AK為角色犧牲剪短髮留鬍鬚。（娛樂組攝）
ANSONBEAN承諾重新經營IG
早前宣布暫別幕前的ANSONBEAN休息個多月後，他今天現身電影開鏡接受訪問表示：「我好開心可以見到大家同埋做返嘢，好興奮。主要係有一個咁好嘅角色。所以我而家呢一刻就好亢奮，而家都一路複習緊劇本嘅時間線。」他透露為了角色需要變瘦，並表示：「去跑步令脂肪同埋肌肉都走晒。」
談及導演邱禮濤親自邀請參演一事，他回應：「當其時應該係我休息中，嗰陣時好迷失，嗰陣時我需要delete IG，去諗人生嘅去向同埋意義，我未必方便喺呢度講，因為實在太詳盡，我都有同公司講呢段時間要休息，去到我咁啱諗通咗，我要珍惜每一個機會，學習去做一個好嘅表演者，我就同公司講我要返嚟，我想重新做嘢，第二日就收到劇本，角色同埋故事全部都好吻合我嘅狀態同埋情緒，全件事都好有緣份，好多謝喺我咁迷失嘅時候遇到導演信任我，再次道歉如果我影響到人，真係唔好意思！我預備好100%去做好所有嘢。」至於是否已經Ready全面復出唱歌跳舞，他直言：「都Ready㗎啦！目前就做緊角色嘅功課為主，我要暫時放低音樂嘅嘢先，因為好多嘢要練習，如果完成咗電影嘅拍攝，我就即刻會衝返去音樂發展。」他透露會盡快重新經營IG。
ADVERTISEMENT
20周年「全城撐本地消費3重大激賞」！ 即睇活動詳情！
