娛樂
2024-06-18 15:50:09

ANSONBEAN鍾雪瑩默契十足 《填詞L》拍檔赴台開工順便旅行

分享:
ANSONBEAN鍾雪瑩默契十足 《填詞L》拍檔赴台開工順便旅行

《填詞L》主角鍾雪瑩與ANSONBEAN再度拍檔,兩人獲廣告商垂青。

本土電影《填詞L》主角鍾雪瑩與陳毅燊(ANSONBEAN)再度拍檔,兩人獲廣告商垂青,為信貸公司拍攝全新宣傳片,輕鬆走遍「世界各地」旅遊,穿和服、浸溫泉、碌沙漠、遊夜市,兩人在短片中看似置身世界不同地方,其實是團隊悉心挑選台灣不同的景點,包括台南頂頭額沙漠、武聖夜市、台中的清境農場與溫泉飯等。ANSONBEAN笑說:「為咗保持神秘,我喺網上分享景點時就扮自己去咗日本、埃及同其他唔同地方,同粉絲開吓玩笑。其實走勻台灣咁多地方係好事嚟嘅,係好難得,不過最辛苦就係坐車嘅過程,今次體會到呢樣嘢,要學識習慣一下。

adblk5
鍾雪瑩與陳毅燊穿上和服拍廣告。 鍾雪瑩與ANSONBEAN獲信貸公司睇中,赴台拍攝全新宣傳片。

這次是ANSONBEAN 入行後首次往外地工作:「平時嘅我唔係太去旅行嘅,今次真係畀咗一次機會我去做嘢之餘都可以去玩吓,工作三日之後留咗兩日喺台北玩吓。其實頭三日工作都幾難忘,喺台灣食吓嘢、浸溫泉、去夜市,又可以摸吓啲羊,就好似去旅行順便拍吓嘢咁,一啲都唔似返緊工。」三天時間內二人要走勻台北、台南與台中拍攝,幸好他們默契十足,拍攝十分順利,ANSONBEAN說:「其實拍《填詞L》時我哋只係合作過兩日,今次就多咗好多時間相處,鍾雪瑩係一個非常專業嘅演員,佢好快就入到狀態,我最欣賞係佢把聲運用得好好,作為一個演員,講嘢講得清晰、令大家聽得更舒服係好重要,我真係要好好向佢學習,希望之後有機會有唔同合作。

adblk6

碌沙漠成面沙

拍攝其中一幕是ANSONBEAN碌沙漠的鏡頭,事前工作人員怕他受傷大為緊張,相反他本人卻表現自若,只拍了兩次便完成,卻弄得滿面沙,ANSONBEAN表示:「有一下我比導演要求嘅碌快咗,但感覺幾刺激幾好玩,工作人員事前都有啲擔心危險,但我冇乜所謂,只要拍到出嚟效果好同靚都冇問題,歡迎嚟緊多啲博命嘅動作場面搵我啦!畢竟我都真係最鍾意動作電影。」

ANSONBEAN到台南頂頭額沙漠取景。 ANSONBEAN到台南頂頭額沙漠取景。 ANSONBEAN碌沙漠弄得滿面沙。 團隊悉心挑選台灣不同景點,包括武聖夜市。