張衞健、梁漢文、蘇永康及許志安組成的「Big Four」早前合體行山。
由張衞健、許志安、梁漢文及蘇永康組成的BIG FOUR最近宣布相隔12年即將於八月紅館開騷，BIG FOUR今日（2日）現身商業電台接受《叱咤樂壇》訪問。被問到相隔12年再合體開騷的感受，張衛健表示：「我哋四個人相隔12年冇開騷 ，我哋身份上冇改變，但係性格上有改變，但當我哋四個人走埋一齊，就會返去12年前嘅感覺，嗰一種默契同埋融洽。」他特別享受今次能夠合體演出：「我哋嘅心態唔知下次要幾耐？我哋冇諗過要12年後先再開騷，永遠都當最後一次去做。」
BIG FOUR早前約埋蔡一智去行山。
演唱會取名是由林海峰所構思
BIG FOUR分享「BIG FOUR HAPPY TO SEE YOU ALL演唱會2025」演唱會取名是由林海峰所構思：「見到你哋開心嘅感覺，大家齊齊整整。」講到新歌《赤子們》，許志安表示：「人與物都變得好急促同快，要保持初心同埋初衷。」至於新歌與雷頌德合作，梁漢文說：「兩次都係我哋音樂總監，佢已經移居咗英國，佢好享受現在嘅生活，雖然未能夠參與我哋嘅騷，但係個心都係我哋度。」提到演唱會會否騷肌，BIG FOUR異口同聲表示已經平常已經有運動的習慣。張衞健指若果演唱會反應熱烈，就會考慮推出個人單曲。
立即更新/下載AM730手機APP 體驗升級功能
