張衞健、許志安、蘇永康和梁漢文順利完成3場BIG FOUR演唱會。(林俊源攝)
BIG FOUR一連三場《BIG FOUR HAPPY TO SEE YOU ALL演唱會2025》昨晚(119日)在紅館舉行圓滿結束。梁漢文（Edmond）坦言3場未夠喉，預告四子將於12月展開巡迴演唱，暫時地點包括星馬澳門等地。
許志安最難忘生日
適逢今天是許志安58歲生日，張衞健（Dicky)、蘇永康和Edmond完騷在後台受訪時，為好兄弟驚喜送上生日蛋糕。安仔在台上已獲全場大合唱生日歌，他直言，「人生第一次有咁多人同我唱生日歌，有三兄弟同我度過更珍貴，相信係我人生最難忘嘅生日。」談到生日願望，他希望身體健康。談到唱《一家一減你》開始淚灑舞台，他解釋：「音樂好感動，所以喊咗，以前係Joey Tang喺後面支持我，今次一齊唱佢作嘅呢首歌就更感動，令我諗起好多片段，一時感觸，但都係開心嘅眼淚。（信心多返？）啲兄弟畀我，同埋件事好warm，好似12年前開騷一樣，只不過大家都老咗少少，但歌迷一樣咁熱情。」
提到選唱老婆Sammi的《我們都是這樣長大的》，他解釋：「呢首歌好想送畀仍佢，所以好緊張，因為係屬於佢，送一樣嘢畀人，唔可以有失，第一、二場都好緊張，我練咗好耐，今晚係最好。」問到Sammi是否滿意，安仔即笑笑點頭。問到老婆同樣8月生日，問到會否旅行慶祝，安仔表示：「佢好似有工作，過埋個工作先。」
蘇永康被兒子問點解同姐姐跳舞
蘇永康的兒子在3場均有獻鼓技為爸爸伴奏，他笑言幸好兒子樣貌似太太，他表示兒子自學鼓3年，BIG FOUR推出新歌《赤子們》一日後，兒子已懂得新歌的打鼓節拍，蘇永康立即告訴兄弟們，但Dicky就建議兒子為爸爸伴奏更有意義，「《男人不該讓女人流淚》是他第一隻識哼嘅歌，未識講嘢已識哼，所以就伴奏呢首歌。」他又自爆被兒子「關心」問候，「佢問點解只有我同咁多姐姐跳舞，佢真係數住，點解成日摸你，我問佢係咪唔鍾意，佢話驚媽咪唔鍾意。」原來太太也被兒子問過，並代蘇永康解釋是工作原因，蘇永康笑言，「好多謝個天俾咗個咁懂事嘅仔俾我，因為佢好在乎我身邊所有人嘅感覺，尤其我哋兩個。」
梁漢文花幾個月操肌
梁漢文在演唱會中穿浴袍大騷結實body，他直言花了幾個月操練，但起初沒打算騷肌，「有日排舞，張生(Dicky)突然提議我著浴袍、唔好著鞋，起初都冇諗住打開，佢問我見唔見得人，見得人就唔好扣埋，所以先會變咗呢個感覺。」Dicky笑言，最緊要Edmond有剪腳甲。
張衞健重演老婆Wi-Fi笑料
張衞健在台上大爆12年前往事，當年被陳奕迅(Eason)叫他要唱好啲《身體健康》，他直言，「我唱嘅時候諗一定要昌好俾陳奕迅聽，無理由12年後再唱，跟以前一樣水準。」談到獲台下的Eason直豎拇指讚好，他笑言，「呢啲門面嘢！其實喺後台見到佢，佢完全唔記得講過，但最緊要我記得，唔係話記仇，因為我都好鐘意聽佢啲歌，我唔可以淨係講嘢好笑，我要好好咁唱歌。以前我嘅表演有百分之九十係Talk show，只有少少係唱歌，今次完全拼棄所有talk，希望淨係表演都可帶娛樂俾觀眾。」問到自評表現時，他笑言：「都接近完美！(會否唱多啲？)都會，但喺紅館就留返俾3位兄弟唱多啲。」談到在台上大爆太太張茜以為「開窗會走Wi-Fi」的秘密，Dicky笑言，「冇得嬲，佢自己講！」然後抵死地再重演一次兩夫妻的對話。
ADVERTISEMENT
😋請你嘆香港迪士尼20周年下午茶👇立即登記👇
