DJ Soda漂髮漂到壞死，禿髮範圍頗大。
南韓性感女神DJ Soda(黃素熙)擁有靚樣與魔鬼身材，更令她自豪是一把順滑短髮。但今日她在IG上載照片令粉絲嚇一跳，竟然失去了一大束頭髮。DJ Soda先寫道：「漂髮嘅你請注意，你會被照片嚇親。」之後表示，她完成巡迴演出後回南韓，去了一間經常幫襯的salon漂髮，髮型師將她的頭髮漂得太長時間，損壞了髮質，可怕的情況出現了。「漂髮水從髮根開始侵蝕，最後壞死咗，只好將兩側同後面頭髮剪走，更可怕嘅事仲未發生。」
恐怖如鬼剃頭
DJ Soda續說，目前她每日也脫髮。「每日甩一大束，真係好恐怖，有部分頭髮長度只得3mm，駁髮都駁唔到。每日睇到禿髮嘅部位，我心都碎晒。我而家好失落，每晚喊到瞓唔到，頭髮要兩年時間至可長返。奉勸大家，一定要搵好好嘅髮型師，因為佢會影響你一生。」細看DJ Soda的脫髮情況，確實好誇張又恐怖，就如大家所說的「鬼剃頭」。
