Edan呂爵安與Marf邱彥筒出席時裝品牌活動。(娛樂組攝)
MIRROR成員Edan呂爵安今午聯同COLLAR成員Marf出席時裝品牌活動，Edan自言在8月中完成3場個唱後，一直「耍廢」在家中，與妹妹「小如豬」一齊煲劇，問到既然妹妹已上台表演，可有想過兄妹檔演出，Edan表示：「以前公司有問過要唔要拍旅遊節目，然後193嚟緊同肥仔有節目要拍，佢問我畀唔畀阿妹做女主持，我緊係唔畀啦。阿妹如果要拍，緊係同我啦。」他笑言擔心小如豬被苦待要吃「屎味咖哩」。
爆小如豬2028年始有姻緣
早前sister黃正宜(阿正)爆料指小如豬，全因沒朋友肯陪睇騷，Edan就認為是小如豬自己的問題，又大爆妹妹一直未有心儀對象。對於阿正想撮合中醫細佬與讀牙醫的小如豬，Edan表示：「食下飯囉，4個一齊食，相士話佢(小如豬)2028年後先有姻緣。我都有八卦吓嘅狀態，但佢都係睇有無feel。」他直言阿正同小如豬啱嘴型，都富有幽默感。
小如豬早有心理準備
對於小如豬演出後，網上評論兩極，有大讚小如豬叻女，但亦有批評小如豬樣貌，Edan就以「祓教符」的「關你諗事」回應，Edan認真表示擔心引發太多聲音，是妹妹當初拒上台的原因之一，她既答應演出，亦已做好心理準備。「佢心臟比我想像中強大，完全無介意呢啲嘢。我就有符咪貼下囉，我都唔係好在意，可能到呢個階段對外界聲音已經無咩感覺。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
