Edan貼個唱絕密照 。
MIRROR成員呂爵安（Edan）早前完成一連三場亞博演唱會，當中他以背心造型大騷麒麟臂加紋身圖案登場。相隔近兩個月，Edan昨晚在社交平台貼出當天演出的絕密照。相中見Edan半裸上身，大曬強勁臂彎，並用emoji遮住肚仔位置，而Edan身旁更被一大班工作人員圍住，原來他們化身「紋身清潔小隊」，為Edan 清理身上的印水紙，他寫道：「演唱會嗰陣身上嘅紋身當然係印水紙嚟㗎啦，其實正常都可以hold幾日的，但由於又唱又跳爆晒汗，所以每日完show個紋身都會甩到一忽忽咁，每日完show都要抹咗佢第二日再黐過，而要完全捽甩佢係極度困難。」
他續指：「我之前沖涼自己捽，係會捽到成隻手爆曬微絲血管紅鬼晒，所以，每晚完show，我就會有呢班『專業捽紋身團隊』幫我用酒精逐啲逐啲捽走，然後先放我返酒店瞓覺，真係辛苦晒大家了。Btw整紋身係花姐好早好早已經suggest嘅idea，睇嚟佢仲記得我『造星2』唱跳『Trap』話想做Bad Boy。」Edan 更回答網民留言表示emoji 是用來遮住肚腩仔
工作人員化身「專業捽紋身團隊」。
Edan半裸上身曬麒麟臂。