娛樂
2022-06-28 19:12:48

Edan硬食粉刷扮暈 孖古巨基拍綜藝節目勁搞笑

分享:

古巨基與呂爵安(Edan)首次合作的《飄流教室》持續大熱,昨晚(27日)播出二人聯乘的特備節目《膠流教室》,以教室作為背景,穿著校服玩遊戲。遊戲內容以兒時的小遊戲為主,包括:急口令、天下太平、掉粉刷、歇後語問答環節及爆旋陀螺等。

比賽開始前,二人各自分享校園生活,問到中學時代的戀情時,基仔表示唔會追女仔,Edan即笑問:「都係女仔追你嘅?」基仔隨即反問Edan中學有否拍拖,Edan坦言只拍過一次,「好青春呢件事,因為我哋係同班,所以唔可以俾人知,上堂又會偷偷地望佢,有種秘密嘅感覺,都幾得意。」隨後基仔續說:「我鍾意嗰個係低我一級嘅女仔,小息時喺走廊偷望佢經過,佢唔知。後來搵咗個朋友嘅朋友去識佢。」Edan聽後又即時反應:「你又話冇追女仔嘅?」基仔隨即反擊,大笑道:「識朋友啫嘛!」

Edan硬食粉刷。

Edan食正粉刷

遊戲當中,以掟粉刷環節最為激烈,二人各有六個粉刷,輪流進攻及防守,目標是掟中黑板上的分數,二人認真作賽,毫不留手!過程中基仔其中一個粉刷誤中Edan正面,食正「粉餅」!Edan隨即扮暈,基仔即上前慰問,二人捧腹大笑。

去到滴滴仔乒乓波遊戲,二人需要邊打乒乓波邊答問題。題目問到「鍾意隔離班個女同學,應該點表白?」,二人最初答「我愛你」、「你好靚」、「食飯吧」,Edan突然爆出一句「瞓覺吧」,基仔爆笑失守反問「瞓覺!?」Edan即解畫「喺班房伏喺枱面瞓覺」,非常搞笑。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受