Jer、Marf和Phoebus以師兄師姐身份出席《全民造星VI》記者會。(娛樂組攝)
Jer柳應廷、Marf邱彥筒和Phoeubs吳啟洋今日現身將軍澳出席《全民造星VI》記者會，分組與師弟們同台演出。Jer@MIRROR與師弟們合唱《記憶倒行》。作為MIRROR唱將的Jer與合唱《記憶倒行》，5位同台表演的師弟包括19號黃日禧(Dave)、22號黎子琛(Alvin Lai)、34號丘藍、41號范卓賢(Jacky Fan)和66號林祖熙(John Lam)，他大讚師弟們表現淡定，但對榮升「前輩」不習慣，「可以省略『前輩』兩個字，出席小鮮肉event，覺得自己老咗。參賽者話由細到大聽我唱歌，以前係我講，要同佢哋講下次唔好再講呢啲說話。」他更主動提出，「叫我Jer仔就OK，唔好叫我Jer前輩，叫細我好過叫大我；唔好叫師兄、前輩，唔該delete。」
笑談黑歷史 囑《造星6》師弟勿留鬚
問到最深刻的參賽者，Jer直言是41號Jacky Fan，「因為佢成日唱我嘅歌，仲tag埋我。」聽聞對方在參賽期間都選唱了不少他的歌，故期待看對方演出。憑參加首屆《造星》出道，作為過來人的Jer被問到有何秘訣時，「我剛才提佢哋當自己喺浴室唱歌，嗰種忘我狀態，喺最放鬆嘅心情之下，就做到最好表演分享。」談到他在海選的留鬚造型深入民心，他笑言也有建議參賽者切忌年紀輕輕留鬚扮成熟，「當年我海選時咪棋差一着，俾人記到而家。」近日，有fans重loop《造星II》的商場活動，他曾以師兄身份勉勵參賽者，即席示範清唱《海闊天空》，他直言每次出席《造星》活動，都提醒自己時間飛逝，「我慶幸去到呢個moment，我都係好鍾意唱歌，keep住初衷好緊要。」日前中秋節，Jer為《造星6》活動彩排，亦有抽空到café，柳闆更與胞姊親自落場招呼顧客，他笑言︰「因為大家都想搞好間café嘛，心血嚟，所以都要落手落腳！」
七周年活動做執波仔
Jer於下月底便舉行演唱會，他自言：「諗到腦爆炸」他解釋今次參與度很高，「你睇下我啲白頭髮多咗幾多。參與好多部份，想俾觀眾感受我一路以嚟創作嘅諗法，每個細節都想呈現我想要嘅效果。」故此，近期已密密開會，他亦向公司要求較長的閉關時間，「因為呢個Show對我嚟講好重要。」他表示現已積極瘦身和操肌，並已定了演唱會的嘉賓名單。不過仍會出席MIRROR七周年活動，對於有fans擔任他在show前進行運動比賽會受傷，Jer就大派定心丸，「你預我做執波仔，唔會參與激烈運動，盡量唔令自己受傷。」團慶活動撞正Jer的生日，他希望個唱能順順利利。
歌手責任做好作品
至於會否出席叱咤記者會和頒獎禮，他自言未收到消息，等待公司安排，「而家keep住忙自己嘅嘢 ，出黑膠碟同新歌。」作為歌手，出席頒獎禮或有獎與否，都不由自己話事，「一路以嚟做作品，出唔出席到頒獎禮，上唔上到台攞獎，真係bonus，歌手嘅責任係做好每首作品、做好每個表演，我都係帶住呢個心態。」他將會明日(9日)推出新歌《不要說出來》，由王雙駿(Carl叔)監製、好拍檔吳林峰作曲、小克填詞，首次找來孔奕佳編曲。
談到隊友姜濤近日到外地潛水叉電，激罕有晒背肌，Jer大讚對方叻仔，但就笑言，「我要勁過佢。」問到幾時給大家欣賞，他笑言要找適當時機。至於隊長Lokman開「腐眼」，他自言尺度很大，「拍BL劇完全無所謂。」至於會揀MIRROR哪位兄弟合作時，他卻表示，「唔好佢哋得唔得，已經成日對於佢哋。要搵啲有surprise。」問到想與哪位男神合作，他自言暫時未想到，「要消化吓！」
ADVERTISEMENT
