娛樂
2024-06-20 20:02:45

Mandy譚旻萱變身人工智能女神 鬧市拍廣告獲途經司機驚喜送花

分享:
譚旻萱為金融科技公司拍攝全新廣告,以性感女神姿態現身鬧市。

譚旻萱為金融科技公司拍攝全新廣告,以性感女神姿態現身鬧市。

譚旻萱(Mandy)由籃球女神搖身一變成為人工智能女神,為金融科技公司拍攝全新廣告,Mandy更跳過界,以個人唱跳形式參與拍攝,她又換上全白色露肩裝以性感女神姿態現身鬧市,惹來不少途人圍觀,有行經的車輛司機更送上花束予Mandy,非常搞笑!

Mandy變身人工智能女神現身街頭。

Mandy變身人工智能女神現身街頭。

Mandy對這身造型感到非常驚喜,她笑說:「因為平時衣着比較隨意,所以只有工作嘅時候會着得高貴啲,可以令大家感覺到呢一陣貴氣,我都好開心!今次拍攝要扮演專業人士同Fintech達人咁,仲有唔同造型,相信會帶到驚喜畀大家!另外,今次我哋喺街頭拍攝,因為遇上大雨關係,都擔心唔能夠完成,不過好彩天公造美,去到現場停咗雨,最後順利完成。」提到被途人圍觀,更有途徑的司機送上花束,Mandy說:「好多謝呢位朋友,架車喺我身邊經過,突然送上一束花畀我,真係好好笑。」此外,Mandy在廣告中挑戰個人跳唱,客戶為Mandy度身訂造一首廣告歌,加上一輪熱舞,唱歌、錄音、排舞,簡直是MV級的拍攝,今次的Fintech廣告更令Mandy學了很多金與科技的小知識,令Mandy又一突破:「今年真係充滿挑戰嘅一年,今次拍廣告係我第一次挑戰個人跳唱,同相熟嘅排舞老師丹儀一齊練舞、學習,好過癮!下半年會有更多新挑戰,而家好好裝備,學武術、跑山、跑步、打拳,好期待之後有更多新嘅作品見大家。」

adblk5
譚旻萱為金融科技公司拍攝全新廣告。 Mandy對這身造型感到非常驚喜。 Mandy在廣告中挑戰個人跳唱。 Mandy在廣告中挑戰個人跳唱。