Marf與男友林家熙結束甜蜜日本之旅即返洗開工。
韓國女星鄭彩娟近日應品牌邀請來港，昨日現身金鐘太古廣場公開活動，同場還有蔡思韵、Nancy歸綽嶢、Kenji范麒智及COLLAR成員Marf邱彥筒，吸引不少粉絲到來支持。
鄭彩娟重臨香港，今日與Marf、蔡思韵、歸綽嶢、Kenji一同出席活動。 (娛樂組攝)
上的士驚喜行程即穿煲
Marf的男友Locker林家熙剛於9月10日迎來31歲生日，一百分女友Marf日前為壽星仔安排驚喜，炮製了一次生日之旅。事源兩人上月已買好機票和預訂酒店，又為Locker執好行李，可惜撞正9月8日香港懸掛8號風球，他們預訂的航班突然取消，Marf即秘密改訂翌日早上9時的航班，Marf於9月9日早上6時許，她叫醒Locker起床，並為他戴上耳機和眼罩一同乘坐的士，但過程中被的士司機一句「係咪去機場？」立即穿煲，Marf送上手畫機票，令Locker非常驚喜。到達機場後，Locker甜笑說道：「食咩好呢喺日本？」Marf在片中寫上caption：「戀柱上身」。
同阿Mo已好少聯絡
昨日活動上，Marf透露這次生日驚喜已籌備了幾個月，並謂：「因為生日之子實在太多自己嘅project喇，所以好難block晒，所以我就惟有搵佢嘅工作夥伴，古天樂嘅夥伴一齊去幫手block吓咁樣，但係又要秘密地block，感覺好high！其實係幾開心，因為我自己係一個好有儀式感嘅人，我覺得Locker都未算係一個好有儀式感嘅人，所以係好high 㗎！將儀式感用喺人哋度，所以過程我自己都享受。」Marf自言今次安排不善，預告下次以媽咪作為目標，問到剛結束的日本之旅，她透露最難忘是天氣極佳，她稱：「真係阿彌陀佛，真係見到個天氣報告都好驚，所以真係托賴，我每一晚都有同個天講，好多謝你今日俾我咁好嘅天氣，好開心！」至於舞蹈員李啟言（Mo）父親日前透露兒子的治療資源出現「真空」，Marf的舊隊友So Ching蘇芷晴亦發文表示無助及憤怒，Marf表示跟對方已好少聯絡，並謂：「我哋都好少聯絡囉，但我都有繼續留意新聞。我一直都有睇佢story，佢分享韓星嗰啲，有時都有reply佢回應嘅韓星嘢，我覺得最緊要佢安好，同埋我有留意佢嘅情況，希望佢之後嘅治療都會好成功同埋順利。」Marf會一直幫對方祈求健康、順利，以前亦曾上過阿Mo跳舞堂的Marf，希望對方將來可以再教她跳舞，揚言一定會發訊息為阿Mo打氣。
