MC張天賦繼3月為沙田馬場打吡賽後，相隔半年馬季開鑼，再次擔任表演嘉賓。（娛樂組攝）
MC張天賦繼3月為沙田馬場打吡賽後，相隔半年馬季開鑼，再次擔任表演嘉賓，獻唱三首熱門歌曲《老派約會之必要》、《記憶棉》和《百萬大道》，有大批賦二代在看台舉牌支持。MC表演後接受傳媒訪問，他自言上次超緊張，今次雖遇上3號風球，但心情輕鬆，很享受舞台。
MC張天賦獻唱三首熱門歌曲《老派約會之必要》、《記憶棉》和《百萬大道》。（娛樂組攝）
與騎師合照 身高優勢好沾沾？
問到可有貼士投注時，他表示，「根據經驗，我唔太適合買馬，我都唔識睇馬，但經過也見到啲馬仔。」有記者問他覺得馬匹狀態如何時，他幽默回應：「好似我未瞓醒，熱身完就會精神。」談到與騎師平排大合照，滿有自信，他尷尬笑言：「可以參加呢個開幕禮係榮幸。」（是否身高優勢好沾沾？）他仰天大笑：「其實係開心嘅，唔好問啦！」他表示兒時也想過開騎馬，但一直沒付諸實行。
面對前輩 收起嬉皮笑臉
MC早前奪TMEA音樂娛樂盛典「年度突破港台歌手」獎，於澳門與多位樂壇前輩出席典禮，他直言非常緊張，「見到好多前輩，我係變返慌張，原本係略自然，好彩係唱一首歌。」他表示雖沒太多機會與前輩見面，但感受到強大氣場，「要收起嬉皮笑臉，驚得失場面。」至於跟同公司的薛凱琪集郵，問到對方可有跟他說甚麼時，他沾沾表示，「其實冇乜特別，佢讚我皮膚好。」至於兩人可會推出合唱歌，他就表示視乎公司安排，但也會考慮向公司提出。
開始籌備下張專輯
談到工作計劃，他表示已開始籌備下張專輯，至於由年頭開始的瘦身大計，「我覺得自己瘦咗，但我每次磅都係同一體重，朝早跑完步磅重，起身空肚磅，都係同一體重，有啲洩氣，但我覺得自己係瘦咗啲。」他表示會減少食碳水化合物，但就不太接受只吃雞肉，「可能係樽頸位，要有啲突破，（樽頸位好長？）難突破先叫樽頸，可能好似飲管咁長。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
