2025-09-10 22:15:52

Stephy鄧麗欣買名錶被男友帶入坑爆媽咪滿意未來女婿

鄧麗欣（Stephy）今晚現身西九，出席瑞士高級鐘錶品牌活動行紅地毯，同場還有李聖經、鍾楚曦、Metawin、Tawan Vichaiwattana、劉俊謙、Tyson Yoshi、胡杏兒、Simone Biles、Naomi Campbell、Winnie Harlow、Izabel Goulart、Sara Balzer、Irene Kim等等，場面熱鬧。

Stephy受訪時被問起有否珍藏名錶，她直認開始有興趣買名錶，笑言是近一、兩年才被帶入坑，並表示：「細個買嗰啲唔係叫做名錶，係實用嗰啲，都係近呢一、兩年開始去學，俾人帶我入坑。」追問是否被男朋友帶入坑，她謂：「唔使講得咁白。」其台籍男友今日亦有到場，稍後入場會合對方。Stephy坦言名錶會自己買，習慣買禮物獎勵自己，因為收到對方禮物，又要買禮物回敬另一半，倒不如自己買。

Stephy將於本月20日舉行澳門演唱會，她坦言貶眼下星期便要開騷，完成今日活動，明天開始加緊彩排，幸好距離上次紅館騷不是太長時間，故舞步方面未有生疏，今次男朋友都會過大海捧場，對於媽咪對未來女婿評價，她稱：「我媽比較低調啲，佢好少講到出口，我睇佢眼神流露出嚟就係，會覺得我平時冇做嘅嘢佢會幫我做埋囉。」Stephy好感激男友，有時自己太忙沒有時間，男朋友會陪她母親食飯，Stephy表示亦會到台灣見男方媽咪，對於中秋節將至，她透露往年沒有特別慶祝，但到時應該會留在香港，自爆年底接了一個比較大project，到時自己可能會開始忙於準備。