當年E-Kids由譚詠麟改名，他們屬於譚詠麟、曾志偉及陳百祥等人組成的StarEast公司。
LOONG 9成為全城熱話，不少專頁或店舖都藉此二次創作抽下水，連帶E-Kids的阮文安(Tommy)亦加入戰團，指E-Kids是曾志偉改名，而隊名前身是叫A4，令他當年不禁衝口而出說︰「A4？？？紙嚟㗎？？？」其後E-Kids另外兩位成員異口同聲反駁Tommy講大話，並還原事件，到最後更演變成Tommy指兩位E-Kids成員的舉行是為了擦曾志偉鞋，更嘲諷二人參加《中年好聲音》。
就E-Kids前名叫A4一事，Tommy與另外兩位成員有不同說法。
郁禮賢(Kasa)與林詠倫先後在fb作最後回應，其中Kasa留言謂︰「個問題係你經常亂噏，作故仔 ，乜嘢都關你事，講到自己救世主咁，睇唔過眼啫，所以真係唔好以為咩抽水。如果要抽水，唔使等到今日啦，抽水對象更加唔會係你，同埋抽水係你嘅嗜好，你嘅生存方式，我都唔會同你爭。」
Tommy昨日繼續發文狙擊曾志偉及E-Kids兩位成員，對於被指忘恩，他就表示自己以立場行先，更謂︰「唔係個個都想同佢哋『撈』架，唔係個個都想『奶』架，痴痴地。」然而，有網民就找來一張2011年的照片，稱當時E-Kids已解散5年，但Tommy見到曾志偉立即跟對方合照，而且更頭貼頭，非常親密，不禁笑他才是真正「奶」的一個。
Tommy與曾志偉合照被網民找出來。