Tyson Yoshi榮升人夫後首度出席公開活動，自爆因擔心與品牌有衝突，沒有帶婚戒。(蘇文傑攝)
韓國男神朴敘俊、陳偉霆和台灣藝人陳柏霖今晚(20日)以品牌大使身份，現身尖沙咀鐘樓，聯同以神秘嘉賓身份驚喜現身的鄭秀文(Sammi)，以及剛榮升人夫的Tyson Yoshi、袁澧林、盧慧敏、陳蕾、鍾雪瑩、馮允謙、ØZI、朱鑑然、胡子彤等多位時尚名人，出席CHANEL慶祝派對，星光熠熠，現場早已有數百fans守候，場面熱鬧。
簽紙註冊好眼瞓
Tyson Yoshi與日前跟Christy註冊結婚後，首次以人夫身份公開亮相，他和ØZI擔任活動表演嘉賓，他受訪時搞笑地以為ØZI是神秘喜賓，及後知道是Sammi，不禁尷尬而笑。談到新婚生活，Tyson笑言已習慣一齊生活，感覺沒大分別，不過就自爆為了賺錢，不敢帶婚戒出席品牌活動。從去年求婚到正式簽紙註冊結婚，問到有何感受時，他笑言，「好眼瞓，9點半係吉時，7點就要化妝……我係唔知醒，俾人鬧我喺廁所搞好耐，9點先開始化妝，半個鐘神速搞掂。簽完之後，親戚朋友去飲茶，我又喺度食雞胸。」
問他有甚麼習俗儀式，他反問：「即係要上香？」認真爆笑。至於談到新婚當日如何度過時，他竟說要洗車和染髮，然後才回家，「返到屋企嗌老婆，今次真係法律上真係老婆。」
趕住生「馬仔」
Tyson又大爆老婆Christy已有「造人大計」，希望能在明年馬年生個「馬仔」，當被追問洞房花燭時，Tyson豪氣問到：「我夠膽講，你哋夠唔夠膽播？」當然全場異口同聲回應：「夠膽！」他才鬼馬答道：「冇啊！(點解？)染頭髮染咗6個鐘，返屋企要瞓覺做嘢！」接著又指今晚都無法洞房，視乎心情。完成7月演唱會後，Tyson將飛往歐洲舉辧婚200萬港元的盛大婚禮，問到打算邀請誰做兄弟時，他直言，為免順得哥情失嫂意，沒有請圈中人擔任兄弟團，大家能出席已感激。
被fans投訴「良心去咗邊！」 大感無奈
Tyson將於7月在啟德體藝館舉行的演唱會，反應熱烈加至3場，他表示無意再加場，談到炒黃牛和賣假飛情況，他感慨表示，因今次無法以如往採用實名制購票，被fans投訴「良心去咗邊！」，他一臉無奈表示，「由幾千人場館到一萬人場館，後台要做嘅嘢好多，唔係我唔想做，真係做唔到，今次唔係我自己搞，就算我堅持，其他partner都唔肯。」他表示已特地為由地下音樂開始支持他的元祖粉絲搞專場，但竟發現炒賣名額，幸好歌迷會也有fans以原價轉晒，算是有點安慰。問到可有請教以林家謙時，他就投訴經常被對方利用，又大爆胞妹只問他買林家謙演唱會門票，卻對他開騷不聞不問。
昨日推出remix版《跳樓機》的Tyson，以CG特效拍reels「玩跳樓機」，問他現實可有膽量挑戰時，他就笑言喜歡平地而坐，即使Christy要玩，也寧願坐著看她玩。
