台北旺區「陽台套房」月租盛惠5000新台幣

你以為可以用每月5,000蚊(新台幣，下同)租呢間屋？少年，你太天真了！屋主放租嘅其實係「陽台雅房」，冷氣、燈、置物架、床舖一應俱全，位置更極具優勢——台北市中正區，鄰近師大，即係有大量平靚正食肆兼有個夜市喺左近。再往好處諗，屋主話客廳、廚房、廁所等等設施都可以共用，只係電費貴少少，每度6蚊。台灣網民就好氣憤，話「這種空間養狗差不多」，仲話「香港有比這個更慘的」。