近日由方東昇主持的TVB節目《真相猜．情．尋》有關八仙嶺山火的部份播出後，再度激起網民熱議，不少網民到張潤衡的facebook專頁留言，質疑他為何不受訪問，及要求交代山火真相，張最終「現身」以近長文回覆網民提問
1996年2月10日八仙嶺山火做成香港中國婦女會馮堯敬紀念中學師生5死13傷，是本港史上最慘重的山火之一。當年山火傷者、「生命鬥士」張潤衡一直是事件的爭議人物。近日由方東昇主持的TVB節目《真相猜．情．尋》有關八仙嶺山火的部份播出後，再度激起網民熱議，不少網民到張潤衡的facebook專頁留言，質疑他為何不受訪問，及要求交代山火真相，張最終「現身」以近長文回覆網民提問，「主要是因為一些不實指控已經困擾了我十年，我覺得有必要澄清一些無理和被歪曲的說法」，及後表示暫停回覆所有留言。
節目製作方聲稱張潤衡原答應受訪，但最終拒絕，方東昇在節目尾聲旁白中疑「抽水」，引用張潤衡受訪時的「金句」指「如果揾到答案，但無汲取教訓，歷史遲早重演，悲劇只會再臨，到時或者會真正應驗一句話：真相，畀你揾到又點呢？」
山火發生時 「坐喺度玩Gameboy」
張潤衡表示「其實嗰句說話係畀網絡cap圖出嚟斷章取義」，強調山火發生時，其實自己「坐咗喺度玩Gameboy ，聽到老師叫我走，我就即刻走」，反問「我都唔知真相，我點樣回答？」他坦言自己並非受過公關訓練的公眾人物，「真係唔明啲乜嘢面對傳媒對答問題」。
指控「夾硬喺節目度話我應承咗佢受訪」
張明言「唔會睇佢（方東昇）呢個節目」，認為節目本身就是出於極不尊重的情況發生。他透露很多鏡頭以外的事觀眾不知道，自己從來無應承過接受訪問，指對方「夾硬喺節目度話我應承咗佢」。他解釋，事實是李嘉嘉（另一名女主持）一開始致電他時，自己已拒絕受訪，「佢要約我傾幾句，得，我就約咗佢諗住傾幾句。點知佢帶晒成隊人過嚟，事前完全無通知過我。呢啲嘢你哋又知咩？」
斥節目為收視流量 「不停攞呢句做soundbite」
至於「真相… 」那句說話，他表示亦有叫對方查清楚，「睇返條影片我想表達啲乜嘢」，最終卻變成節目中「佢不停攞呢一句出嚟做soundbite。」張直言「喺我角度睇，佢哋都係為收視為流量啫」，令觀眾情緒側向一邊，指控主持所問的問題「全部都係引導性㗎啦。」張總結自己現時仍保持那個諗法：「真相？你哋真係想搵真相咩？我都有睇部分留言，全部都係偏頗性嘅，大家只不過想搵個你哋睇唔順眼嘅人你攻擊吓啫。」
張亦有回覆其他網民質疑，有人留言表示，傳媒指有目擊者見到藍白間條衫的人（當日時張身穿藍白間條衫上衣），他則稱「咁你問返嗰個目擊者，你問我做乜呢？」；網民問「帶打火機做乜呢？」張回應「之前已經解釋，不再回應。」
暫停回覆所有留言
張及後指「過去大半天，我花了很多時間回覆部分留言，主要是因為一些不實指控已經困擾了我十年，我覺得有必要澄清一些無理和被歪曲的說法。我已經盡力回應了許多問題和留言」、「現在是星期日晚上9:40左右，從這一刻開始，我會暫停回覆所有留言。原因很簡單，我需要在太太回來前晾好衣服，而且公司還有一堆工作等著我處理，是時候回到現實生活中的責任了。」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
