立法會選舉系列｜立法會選舉2025 專訪楊哲安陳家珮陳學鋒郭偉强

立法會選舉如期在12月7日舉行，港島西共有5名候選人競逐兩個席位，分別是自由黨楊哲安、新民黨陳家珮、獨立候選人黃秋萍、民建聯陳學鋒，及工聯會郭偉强。其中有3人是現任議員，代表至少有1名現任議員「落馬」。《am730》早前訪問了多名候選人，了解他們的選情及政綱，唯獨黃秋萍至截稿前仍未落實接受訪問。

記者：陳芷晴

掃QR CODE睇：立法會選舉2025已公布參選名單

楊哲安專訪

「六合彩論」勸沉默大多數投票
標榜敢言「做自己」

很多香港人都會買六合彩「發個橫財夢」，自由黨楊哲安以此為比喻，指：「係買個希望，好似今次咁，你唔投票，我一定贏唔到；你去投票，我就有機會贏」。

主要爭取中產選票，楊哲安表示：「人工好似唔差，當你養完家活完兒，教育、請外傭、交租、交稅，『斗零』都冇得剩，政府政策優惠得個吉」。他認為政府對中產的優惠政策需有預知性，「唔好一下畀，一下又唔畀」。他冀推動教育多元化，「畀多啲時間學生發白日夢，夜晚唔夠瞓，發唔到夢，冇夢想行去邊？」

楊哲安不滿3名來自大黨派的現任議員「一出嚟就告急」，他續指：「你要投贏硬嗰個就投陳學鋒啦，投緊佢個黨(民建聯)咋嘛，投緊『梗有一間喺左近』」。至於新民黨陳家珮，楊哲安指：「佢個前輩叻，如果香港人覺得講到尾都係靠前輩嘅，咁咪投前輩囉。但如果覺得香港要靠下一代自力更生，就投我」。

楊哲安表明敢於做最敢言的議員，「我性格就係咁，如果選民鍾意我咁嘅性格，入咗去變咗，下屆就唔會投畀我，我寧願做返我自己」。

陳家珮專訪

葉劉退任不希望僅有「同情票」
冀支持者信「夠班接棒」

新民黨主席葉劉淑儀「交棒」予陳家珮出選，陳家珮坦言「接棒」是最大挑戰，「最希望令支持者認為我夠班接棒，唔係單純同情葉太而投票」。

跟隨葉劉15年，今次由陳家珮「擔大旗」率領新民黨參選。她分享葉劉作為「師父」並非奉行「Micromanagement」(微管理)，而是交代大的願景，再由黨員執行。葉劉今次向陳家珮寄語：「一國兩制唔能夠變形，亦唔能夠走樣」。

陳家珮指出新民黨重視跨階層聲音，基層之外，陳家珮認為政府對中產家庭的支持不足。另外，她關注今屆立法會只有16名女議員，認為比例不足。她指出女性不僅是家庭的支柱，更是推動社會進步的重要引擎，希望提高女性在參政和議政中的比例。陳家珮不奢求新民黨有議席增長，指「重質不重量」，無論議席數目一樣抑或減少，都衷心希望市民喜歡敢言、實幹、理性論政的新民黨議員。

陳學鋒專訪

被指投政黨非投候選人？
陳學鋒：市民對民建聯招牌有信心

民建聯在今次立法會選舉繼續「區區都派人」，當中陳學鋒競逐連任。他強調並非「贏硬」，指：「一日未開票箱都冇人知」。他指會「打告急牌」，希望選民知悉選情緊張。

被對手楊哲安指：「啲人唔係投你，係投民建聯」。陳學鋒指這番言論「錯唔晒」，他表示：「市民唔認同嘅話，民建聯冇辦法喺每區都有咁多議員。希望令市民對民建聯更加有信心，有咩事搞唔掂，你嚟搵我地就搞得掂」。陳學鋒續指：「聽到唔同團隊話民建聯團隊穩勝，我認為係唔道德嘅行為。爭取選票嗰陣，唔應該中傷人，或者用假消息影響人哋選情」。

人人都希望有個安樂窩，陳學鋒的重點政綱包括重推公屋租置計劃。他建議選取樓齡約20至30年的公共屋邨，例如選區內的香港仔石排灣邨、東涌逸東邨及富東邨。他建議定價約80至100萬元，目的是讓公屋居民能夠向上流動，安居樂業。