由藝人陳豪創立咖啡店「Blooms Coffee」觀塘apm分店，近日被發現突然執笠。陳豪不時會落場坐鎮，為客人親自沖調咖啡。(Blooms Coffee ig)
飲食業環境低迷，多間藝人經營的食肆亦離場。由藝人陳豪創立咖啡店「Blooms Coffee」觀塘apm分店，近日被發現突然執笠，飲食資訊平台亦顯示該分店已經結業。據指該分店原舖位已經被快閃店取代，目前正售賣高達模型。
Blooms Coffee由陳豪於2019年創立，2021年開設首間實體店，高峰期曾有6間分店，陳豪不時會落場坐鎮，為客人親自沖調咖啡，吸引不少影迷到場。另一間灣仔合和中心分店早前已結業，官方平台指尚餘4間分店繼續營業，位於K11 MUSEA、時代廣場、中環街市及太古城中心。
資料指apm店在2021年開業，開業4年結業離場。有網民表示，該店於月初已經結業，又指以往舖位檯櫈常被非該店顧客霸佔，形容「該設計太笨」，「試過買完杯啡想坐，冇人讓返個位出嚟，要搵職員協助。如果欄住寫明只限顧客應該會好好多」、「之前有位坐嗰陣時其實好多人都冇幫襯坐晒喺度，反而有時想幫襯買杯嘢飲見到冇位都走先」。
ADVERTISEMENT
