先達廣場近年人流不復當年。(資料圖片)
位於旺角亞皆老街的先達廣場，九十年代末起轉型為售賣水貨及二手手機的商場，一度成為炒賣新款手機的聖地，曾經是本港一個極具代表性的電子產品集中地。可是，先達廣場近年除蘋果iPhone開售日和個別遊戲機發售之外，商場其餘日子人流都比較冷清，場內商舖亦已變得十室九空。有網民日前路過先達廣場外圍，感嘆道又見證了一個時代，「無Nokia、無得炒iphone先達變成甚麼都不是……」
網民：都覺得好唏噓
有留言同意發帖者所言，「琴日搭車經過，望一望先達。都覺得好唏噓」、「完成歴史任務」、「先達每年得個1、2個月生意，唔執就奇啦」、「嘩，你唔講真系(係)差啲忘記咗尼(呢)個曾經是香港地標性地方。」有人就指出，先達廣場本身位置佳、交通方便、同類型店舖集中，附近更有波鞋街和朗豪坊等商場，「戲院有食肆，多多優點集於一身」，直言這裡是少數「連香港人自己都嫌棄嘅商場」。
不少網民留言都表示，場內商戶過往做生意都不老實，「執得遲，呃神騙鬼咁多年，殺雞取卵」、「我對上一部喺先達買嘅電話已經係Panasonic GD92，後尾聽聞會勁同人換零件當新機賣，就無再去」、「黑到無朋友，咸(鹹)水機換殼，二手當一手，放流料炒機，有陣時d(啲)野(嘢)自己攞黎(嚟)」、「幾多負評就知執得好啦。」
有留言稱場內店舖有轉型
可是，有網民就指出場內不少店舖其實已經隨時代而轉型，包括電腦維修、發售電子科技產品等，「大把改裝嘢買，不過你唔問佢哋唔會拎出嚟、發揮香港人的自強精神，時代更換轉型係必然」，亦有人戲言先達商家任意一年開賣iPhone的月份，從中可賺取的收入「已經夠佢交租交到退休」。
ADVERTISEMENT
最後一輪消費賞開始🎉激賞智能家電／旅遊神器／時尚手錶等！
👇🏼立即登記參加👇🏼
