網上熱話｜城巴新線50M首航　上層車頭貼滿九巴單張惹議

屯門54區新公屋項目和田邨和菁田邨最快下月入伙，城巴今日(17日)率先開辦循環往來港鐵屯門站的區內路線50M，九巴同日起亦開辦由屯門寶田邨往返葵涌葵翠邨、途經兩新屋邨的67A線。

新路線投入服務首日，自然吸引大批巴士迷到場遊車河和體驗新路線，但有網民發現一輛城巴50M線的上層車頭擋風玻璃，竟被人貼上29張九巴67A線的宣傳單張，幾乎遮擋所有窗外景色。

網民：羨慕可以簡單享受快樂

有網友批評有關行為幼稚，「貼到肉肉酸酸咁樣」、「正正經經遊車河唔得咩？係都要整到架巴士鬼五馬六」、「黐到個車頭似咩樣」。

不過，也有網民感嘆「年輕真好」，認為長大後快樂不及年輕時簡單，「我覺得佢哋好開心呀，中年人，你對上一次真係笑出嚟係幾時啊」、「年少唔瘋癲任性，唔通到咗happy伯咁年幾(紀)，先嚟瘋癲任性咩」、「可以簡簡單單地享受快樂，好羨慕」。