該乘客於上周六（21日）早上10時半左右於facebook群組「是日快快-巴士即日相」發文，稱「因為有人在車廂瀨屎，到屯赤擺街」。照片可見多名乘客下車後，等待轉乘其他巴士或等下一班次。
搭乘長途車的最大敵人從來都是突如其來的便意。有巴士乘客近日發文，指日前乘搭龍運巴士期間，有乘客難忍便意，最終在車廂內失禁「瀨屎」，司機將巴士停在屯門赤鱲角隧道附近，全車乘客需下車。
龍運稱乘客通知車廂「衞生狀況異常」
該乘客於上周六（21日）早上10時半左右於facebook群組「是日快快-巴士即日相」發文，稱「因為有人在車廂瀨屎，到屯赤擺街」。照片可見多名乘客下車後，等待轉乘其他巴士或等下一班次。龍運巴士回覆傳媒查詢時表示，當日早上一輛巴士駛至屯門赤鱲角隧道時，車長接獲乘客通知，指巴士車廂「衞生狀況異常」。車長在安全情況下將巴士停在屯門赤鱲角隧道轉車站，並安排乘客乘搭另一輛巴士繼續行程。
有網民稱「好噁心」、「遍車黃金」、「剩係睇字，都覺得臭」、「遇到塞車仲大鑊」，不過亦有人認為應體諒，「搭長途車最怕攪肚痛，應該冇人想瀨嘅」、「我諗佢都唔想嘅，搭巴士先嚟肚屙其實真係好難頂，自己都試過雖然忍得住，但係過程標哂冷汗好辛苦。」
有任職巴士司機的網民留言表示遇過相同經歷，「嗰陣時都試過，揸606去到藍灣半島總站，落完客，再巡車，發現有尊貴嘅乘客放低咗兩嚿大大嚿的番薯。竟然冇人出聲，之後都係揸返廠洗車」、「我試過晚上做97尾車返到東村（南區利東邨），下層右尾位成灘意式肉醬，睇嚟佢腸胃唔多好」。亦有腸胃不太好的網民指出，「我本人就是成日控制唔到大便，所以我最怕坐長途車，因急起上來唔係即刻可以搵到有廁所的。大人大姐邊個想瀨屎吖，正常人當然唔明啦，我睇過中醫和腸胃科醫生都無效」。
