有網民在社交平台Threads發帖表示，昨日在一間超市目擊一對父女狂掃辛辣麵，樓主在帖文中表示：「打風定打仗？目測兩父女一人一車，掃晒成個貨架所有辛辣麵。」
天文台表示，塔巴正移入廣東內陸並將逐步遠離本港，預料本港普遍風力會逐漸減弱，在下午1時10分改發三號強風信號。天文台於昨晚9時20分發出八號東南烈風或暴風信號前夕，有網民目擊有兩父女到超市狂掃辛辣麵，一人一車將整個貨架上的辛辣麵全搶一空，樓主驚訝表示：「打風定打仗？」
有網民昨日（7日）下午在社交平台Threads發帖表示，昨日在一間超市目擊一對父女狂掃辛辣麵，樓主在帖文中表示：「打風定打仗？目測兩父女一人一車，掃晒成個貨架所有辛辣麵。」現場照片可見，一名黑衫中年男子在手推車上放滿十多盒辛辣杯麵，男子繼續將手伸在貨架上，似乎正在搜尋有否其他辛辣麵，一名女子則在旁。
隔籬阿姨行過「洗唔洗呀......」
網民對此熱議，有人指：「打一日半日風入貨仲勁過covid隔離10日8日。」樓主亦透露路過人士亦稱：「隔籬左右有啲阿姨行過都講：洗唔洗呀......」
留言揶揄「打風刺激經濟」
網民亦留言揶揄兩人：「由得佢啦，幫人清貨尾，唔係個個都咁抵得諗」、「買嚟炒？」、「打風經濟」、「次次打風啲人都係咁㗎啦，唔知以為打一個星期」、「上一輩人骨子裡仲係維持住打風會斷水斷糧斷電呢種思維。」、「打風刺激經濟阿，由佢買啦」、「好唔理解。。。8號風球落樓，大把鋪頭開咗。」、「血壓高必食推介」、「 香港人真係好得意㗎，黑雨、八號風都好似成個月唔出得街咁。」、「一日至多三餐，十個人的話買一箱咪得囉」、「我樓下d牛丸都比人買哂，我心諗做乜X」、「鬥霸廁所戰書」。
有網民認為未必與打風有關 「可能人地一家十口」
有網民則認為未必與打風有關：「未必一定因為打風嘅呢啲萬年食品」、「可能人哋今晚開party呢」、「可能咁啱減價定貨啫」、「可能人地一家十口」、「反正買滿指定價錢有減，咁咪買多d囉」、「佢可能係開民宿」、「可能今晚用辛拉麵嚟浸浴」、「嚴重懷疑係辛辣麵廣告」。
ADVERTISEMENT
👇免費澳門酒店住宿或香港口岸來回澳門巴士車票👇
