網民帳戶驚現9000萬元後被取消，指成為一秒富翁(Threads圖片)
人人都有發財的夢想，一名網民發現銀行帳戶驚現高達9,718萬元存款，但迅速被取消，形容是成為「一秒虛擬富翁」。
網民在社交平台Threads分享其銀行儲蓄帳戶的交易紀錄，顯示本月收入是9,718萬元，而支出同樣是9,718萬元。他不解問道「銀行做咩入9千幾萬比我？入完又取消返算點。咩玩法。有冇人知點解會咁嘅？不過呢個銀行好耐冇用。一般都係比我阿媽出糧拎錢。」
或是存票時將電話號碼入成金額
有網民推斷是存入支票時，錯將電話號碼入成金額，便會發生此情況。事主則指不清楚情況「淨係知我打敗咗99.99%嘅人。話曬都有過8位數嘅紀錄喺度」。另有網民戲言「CV(履歷)可以寫曾經係千萬富翁」。
