八號烈風或暴風信號會維持至下午1時10分，改掛三號強風信號，打工仔坐港鐵上班。(蘇文傑攝)
天文台今日（8日）早上10時45分表示，塔巴進入廣東內陸並逐漸遠離本港，預料本港普遍風力會逐漸減弱，八號烈風或暴風信號會維持至下午1時10分，改掛三號強風信號。
天文台昨晚已預告八號風球會至少維持至今早11時，令上班族可以安心繼續休息，網民到天文台社交平台「盛讚」台長陳栢緯「英明」、「天文台台長人美心善」、「天文台就係做實事，呢任台長無得頂」，又感謝掛到1時「唔使濕住返工」，亦有人指「今次就非常好，話埋比你知大約掛到幾點，呢D先叫超前部署，起碼聽日我會訓到11點先起身。」、「做得好好呀， 打工仔同學生可以有心理準備」、「次次都係咁樣嘅形式預告定，先係真嘅預測，好過之前咁搞到市民冇時間應對。」，亦有人表示「其實，個風係好很遠，連3號都唔應該掛」、「今次天文台超前部署，都見到留言有人X，證明點做做得幾好都要俾人鬧」。
網民稱香港難服侍 「掛到幾點都有人唔滿意」
不過天文台在上午10時45分表示會在下午1時10分改發三號強風信號，網民隨即「轉風向」斥天文台，質疑為何不可掛到下午3時，令他們可全日不用回公司，「唔湯唔水時間坐完車返工兩個鐘又放工」、「玩野咩掛到一點！個個趕住返公司，然後就收工！」、「一點落波，咁即係好多打工仔要返三點？ 天文台又俾人鬧爆」、「好心就掛埋佢啦，差個少少時間，2點前都要返工，搞到要趕頭趕命返工，逐少逐少咁樣延遲，搞到要好早起身喺度睇住時間」、「尋晚讚完𠵱家又喺到搏X」、「又動物大遷徙」、「新界橫風橫雨，如果咁快改3號風球，一陣返工就大混亂」、「明明可以好好地，仲係要比人鬧先安落」，亦有網民表示滿意，「今次要高度讚揚天文台，公司cut off 時間剛好係1點」，另有人笑言「冇理取鬧的人多的是，放咗半日都嫌少！」、「香港人真係好難服侍」、「其實掛到幾點都會有人唔滿意」。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
