一輛巴士受阻未能繼續行程。(網民Samson Leung@FB群組「屯門公路塞車關注組」)
違例停泊的汽車阻礙巴士轉彎。(網民Samson Leung@FB群組「屯門公路塞車關注組」)
本港泊位不足已非新鮮事，但間中仍會有駕駛者在街邊泊車時，阻礙其他車輛通過。屯門青海圍近置樂花園是城巴962B線的總站，青海圍一帶本身亦有菜檔，代表青海圍理應經常有大型車輛駛進。不過，當區的街坊經常都會見到有不負責任的駕駛者，把車泊在彎位，經常令大型車輛未能通過。
網民Samson Leung日前再遇上類似情況，形容情況屬「青海圍响(響)咹日常」，批評涉事司機無視地上的雙黃線和附近指示，直接推開防止泊車的雪糕筒，並停泊在上址，恰巧一輛962B線巴士就被該私家車阻礙轉彎。不少街坊都批評私家車司機行為自私、缺德，覺得應立即報警處理，「雙黃線自己就應該知道嗰個位唔泊得車啦！咁唔係劃條雙黃線俾(畀)你做乜鬼」、「個(嗰)個位成日塞，d(啲)人明知都照泊，阻住人」、「延長雙黃無意思，雙黃一樣照泊」。
網民倡巴士撤出捱轟
有人就提出應要求以青海圍置樂花園外為總站的城巴962B線撤出，「最簡單搬走962B個總站就搞點(掂)，運菜貨車或旅巴都無呢部城巴咁長，以前邊有事㗎。」言論一出，該網民隨即被其他人批評，「違泊唔係解決違泊嘅人，走去解決深受其害嘅人」、「為左(咗)就為(違)泊而改總站？」，亦有人揶揄「不如剷走個行人路，整闊埋條路咁咪仲好，違泊有錯都可以講個站頭事，有料。」
本身用作防止泊車的雪糕筒，被人移到一旁。(網民Samson Leung@FB群組「屯門公路塞車關注組」)
ADVERTISEMENT
20周年「全城撐本地消費3重大激賞」！ 即睇活動詳情！
