黃錦輝被捕｜長兄不支持從政　曾指：郁親都被鬧，喺學術界發展咪幾好｜Ray Online

中文大學工程學院副院長黃錦輝因為涉嫌醉駕被捕，仲因此辭去立法會議員職務。原來佢嘅大哥、九龍表行集團董事總經理黃錦成早喺12年前已經表明唔支持細佬從政，仲話：「郁親都被鬧，喺學術界發展咪幾好」。

黃錦成不支持加入「熱廚房」

黃錦成喺2014年出自傳《調情》，提到因為父母早逝，佢作為長子需要承擔「長兄為父」嘅責任，照顧6個細佬妹。當年盛傳已經係中大工程學院副院長嘅黃錦輝，係創新及科技局副局長熱門人選。黃錦成當時出書受訪嗰陣，已經話唔係咁支持細佬加入「熱廚房」，因為人在官場郁親都被鬧，喺學術界發展咪幾好。