IKEA宜家家居尖沙咀店於梳化區的每張梳化放上巨型長條狀透明膠牌，印有「如有查詢，請向店務員聯絡」。(鍾式明攝)
大型連鎖傢俬店宜家家居(IKEA)一直深受港人歡迎，陳列各款傢俱總有很多人逗留，惟不少人卻當作休息區，長期安坐陳列梳化涼冷氣、玩電話甚至瞓覺，令有意購買的客人無法試用。去年已有網民發現IKEA開始打擊「長佔」行為，如派出職員勸喻及擺放「請勿佔用梳化」告示牌。近日IKEA尖沙咀店直接出「必殺技」趕絕「長佔」行為，引發網民討論。
社交平台Threads有網民發現，IKEA尖沙咀店近日於梳化區的每張梳化放上巨型長條狀透明膠牌，印有「如有查詢，請向店務員聯絡」，照片同時可見多張梳化放上地台架，意味顧客如欲試坐，必須先知會職員協助移開膠牌，變相增加「長佔」難度。
惟店內有顧客「轉移目標」，坐往附近的睡床示範區。發帖網民表示「每個告示背後都有一個故事」、「世上沒有無緣無故的放牌」、「終於唔畀人坐了，其實係好事，雖然阻止到唔坐梳化，但阻止唔到人坐床」、「雖然冇梳化，但係每間房都有人，張被仲要俾人訓亂晒」。
帖文引發網民討論，有人留言支持，「一早就應該要啦」、「我同意，之前想買梳化，根本無法試，職員叫他們起來也不起」，「我試過想買梳化試坐，畀霸住休息既人鬧返轉頭」、「終於都玩爛」、「尖沙咀係災區，上床搞乜都齊晒」、「太多啦，啲人坐晒喺度之前喺荃灣啊沙田都係咁，令到真係想買梳化嘅人有啲困擾」、「其實呢啲放咁耐咁多塵，點解會有人坐嚟休息」、「個膠殼好輕啫」、「個個轉晒上床瞓」。
增告示牌「溫和而堅定」勸退長佔者
DFI零售集團行政總裁貝思哲上月曾向傳媒稱，會採取軟硬兼施管理，包括門市擺放更明確告示牌，提示顧客尊重他人購物權益，及在高峰期安排專人巡視，適時「溫和而堅定」勸退長時間佔用者。他指並非不歡迎他們在那裏，但其行為令真正想買沙發的顧客無法舒服地試坐。
ADVERTISEMENT
【👇送恆香餅家張智霖演唱會伴手禮👇】
