黃碧嬌早前都曾現身大埔茶樓（FB圖片）
捲入大埔宏福苑授權票爭議嘅民建聯前大埔區議員黃碧嬌，今日再現身大埔茶樓。有消息人士為佢闢謠，澄清黃碧嬌冇去英國，前排現身香港機場只係接機。
.jpeg?updatedAt=1793767980)
今早現身大埔茶樓
網媒今日發布讀者提供嘅相片，見到黃碧嬌喺茶樓飲茶。枱面放有幾籠點心，同枱有至少4個食客。黃碧嬌仲面帶微笑，幫側邊一位伯伯夾嘢食。讀者補充，係今日早茶時段影嘅相，對於見到黃碧嬌現身覺得好意外。
上個月有網民影到黃碧嬌喺香港機場現身，仲話對方係去英國。不過，據了解當時黃碧嬌身處抵港大堂，只係接機，而唔係離境。
