駕駛人士好多時都遇過一啲司機亂停車阻塞交通，實政圓桌立法會議員田北辰早兩日親身經歷，仲分享「車Cam」畀大家評理。
田北辰早兩日揸車返立法會，行經灣仔告士打道小路途中突然「塞車」。佢起初以為發生交通意外，睇清楚先知前面有架旅遊巴，司機駛埋路邊就開門落客，完全唔理塞死晒後面嘅車。後面有車不斷響咹，但旅遊巴司機都完全唔理，繼續放車上面5、60個學生落車。
田北辰「車Cam直擊」遇旅遊巴違規落客，指不能姑息害群之馬
不能姑息害群之馬
親身經歷之後，田北辰話明白商用車搵食艱難，絕對同意喺唔影響道路安全同阻塞交通情況下等佢哋上落貨。但樹大有枯枝，總有啲司機漠視法規同實際道路安全情況，有理冇理照上落貨或者上落客。對於呢啲害群之馬，佢強調警方絕對唔可以姑息。田北辰建議警方未來善用人工智能協助執法，抽出所有疑似違泊嘅情況，警方再睇返錄像去衡量涉事車輛，到底係長時間停車，定係喺唔阻塞路面情況下快速上落貨，再決定係咪發出告票。佢相信咁樣做係人性化之餘，仲可以減少爭拗。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
