羅淑佩着綠色行山裝，手持綠色行山杖同孭住個綠色背囊去行大帽山。(羅淑佩FB)
政府發展旅遊熱點工作組上星期公布咗9個旅遊熱點項目，包括發展太平山、鳳凰山、大帽山、西貢海「四山」旅遊。熱愛運動嘅文化體育及旅遊局局長羅淑佩，今日又再趁星期日去行山郊遊，話要身體力行體驗一下「四山」嘅大帽山。
▼羅淑佩分享行大帽山沿路照片▼
全程15.5公里尾段要「邊行邊唞」
羅淑佩喺社交平台上載多張行山照片，可見佢今日穿着綠色行山裝，手持綠色行山杖同孭住個綠色背囊，路線就從大帽山郊野公園停車場出發，經甲龍古道去到雷公田，然後再返回起點，中間就經過甲龍林徑、河背水塘家樂徑、河背越野單車徑一帶。
行山期間，羅淑佩仲同一度要停賣熟食嘅茶水亭老闆娘蓮姐合照，「你看我跟蓮姐打卡的笑容多燦爛！」佢形容，今日天氣涼爽、陰而不雨，全程行一圈用咗5個鐘，合共15.5公里，沿途見到小黃麖，青蛙，毛毛蟲等不同動物，仲話最後嗰兩公里要不斷從山路往上行，好有挑戰性，佢要「邊行邊唞」先至應付到，完成之後滿足感更加係大到無倫啊。
▼Google Maps香港十大熱門旅遊景點清單特集—旅遊景點▼
立即更新/下載AM730手機APP 體驗升級功能
