兒子畫「我的媽媽」 令媽媽一睇就崩潰

大家細個時，應該都畫過「我的爸爸」同「我的媽媽」，近日一位台灣媽媽就因為兒子畫嘅一幅「我的媽媽」而崩潰！

呢位媽媽喺社交網上發文：「抱怨一下我兒子，開學後沒多久兒子說：『老師要我們畫一張家長的畫像，在學校日那天妳會看到！我先跟妳老實說，我畫的不好可以不要生氣嗎！(一臉哀求)』為了不傷兒子的幼小心靈只好答應。就在小一新生家長日那天我崩潰的明白了！」

直到家長日，呢位媽媽一睇張畫嚇呆咗，即刻明晒阿仔點解要打定預防針，崩潰苦笑：「兒子，你應該不是我親生的！」只見照片中，阿仔同學畫嘅媽媽打扮得靚靚，笑容甜美可愛，但畫中嘅自己就一張大餅臉加血盆大口，一臉猙獰，最後佢話自己忍住歇斯底里瘋狂怒吼內心戲，以及無法發洩嘅情緒，並附上阿仔照片。

網友熱烈回應：「阿仔好誠實！」「 野獸派畫風」「阿仔咁靚仔，可以原諒，而且佢最至少有幫你畫牙！」