大家細過應該都有用啤牌玩過考記憶遊戲吧？玩法就係將所有啤牌反轉，每次揭開兩張，數字一樣成對攞起，邊個同對攞得多就贏。
日本人就叫呢個遊戲做「神經衰弱」，個名聽落好誇張，不過日本最近出嘅「紙神經衰弱」就26張啤牌都係白紙一張！不過其實每張紙都唔同材質，玩家只能透過紙質同暗紋嚟分，實際玩嘅情況似足打麻將甩牌，非常之咁搞笑！
卡片其中一邊掀起，就有紙嘅名稱、色名及重量，札信印刷廠員工玩應該無敵，而一般人應該玩應該會發癲！
「紙神經衰弱」售2700日圓(約186港元)，有興趣聖誕同朋友玩嘅可按此，不過反應熱烈，暫時賣晒，大家可以等補貨。
立即更新/下載AM730手機APP 體驗升級功能
