白鴿闖入浴室 港女靠一招KO 事後大讚yum yum 網民：好多蝨同寄生蟲
香港雖然是個城市，日常較少機會遇上野生動物，但近年愈來愈多雀鳥於各地聚集，有時更引起民眾恐慌。早前一位港女在社交平台上發文，直指自己突然在家中浴室發現白鴿的身影，最後只好用1招KO，引來大批網民熱烈討論。
圖片來源：影《怪胎》劇照
白鴿飛入浴室
早前，一位港女在社交平台上發文，劈頭直指「黐線今朝有隻白鴿飛咗入屋」，只見她上傳的照片中，一隻生勾勾的白鴿正站在她浴室擺放洗頭水沐浴露的位置，頭部更緊貼洗頭水，場面睇相就搞笑，事主本人就嚇餐懵，「一打開門俾佢嚇到仆X」。
港女1招KO引網民討論
不少網民都留言問事主最後如何處理，起初她笑稱「吃掉了」，又上傳美味乳鴿的照片，但後尾礙於有人真心以為她烹煮了白鴿，事主本人澄清道：「用咗掃把係咁咦推下推下推返佢出去…完全無掂到佢，亦都無食到」、「太多認真Ｘ，我驚真係以為我食咗」。
網民分享類似經歷
事主的經歷引起網民熱烈討論，有網民表示「佢地個身好污糟，好多蝨同寄生蟲，最好戴手套放走佢」、「自來雀在風水學說一般主好兆頭」，亦有人分享類似經歷，直指試過「初時以為雀仔入屋，睇真D原來是蝙蝠」、「我屋企都試過，突然走廊企咗隻白鴿喺度嚇鬼死，明明啲窗開好細唔知佢點入黎，仲要送pat屎俾我」，可見牠們無處不在。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
