網上熱話｜兩港女拍片嚇保安 自以為有趣惹網民鬧爆 片主現身咁回應！？
不少人都鍾意影相拍片紀錄生活，部分人更將影片上傳至社交平台與他人分享。但如果拍片為了流量而整蠱人，確實容易引起爭議。近日有網民就發現兩名港女故意拍片嚇醒保安伯伯，更自以為有趣大肆share，引來大批網民睇唔過眼！
兩港女拍片嚇保安
由這段受爭議的影片可見，兩名港女正「玩遊戲」，二人先猜包剪揼決定誰人需要接受「懲罰」，第一輪「輸咗去同個瞓着咗嘅看更影相」，惟「影相嗰陣同個看更隔九仗遠」，因此出現第二輪懲罰，「大力拍落道閘叫醒個看更」。有網民發現後，即時轉載相關影片以示不滿。
網民睇唔過眼轉載鬧爆
兩名港女在影片中笑得好開心，但網民就睇唔過眼，怒斥「呢啲人到底咩心態？」、「拍個鐵閘嚇到個阿伯」、「然後仲笑得咁開心，post出嚟以為自己好搞笑？」，更揚言「要玩都唔應該玩呢啲嘢囉」。
圖片來源：Threads
片主現身回應
除了轉載的網民，其他人亦留言表示片中人「心地又差又無腦」、「又係啲bully完人話『玩下咋嘛』嗰啲人」。片主事後亦有現身回應，坦言「喺呢度想為我同朋友幼稚及衝動嘅行為道歉，我哋當時冇諗後果，因為貪玩去做啲有機會發生危險嘅事」，又承諾「之後會注意好一言一行，並會喺颱風後去返現場搵看更叔叔道歉」。
ADVERTISEMENT
立即更新/下載AM730手機APP 體驗升級功能
