失業女兩個半月見逾30次工 無一份請 崩潰呻：香港經濟差到離晒大譜
近年香港經濟持續低迷，出現商舖結業潮外，就連一眾打工仔都好難轉工及搵工。早前一位自5月開始失業的女生在討論區發文，直指自己一直積極搵工，在兩個半間見了超過30份工，但就無一份請，令她不禁崩潰在網上大呻「香港經濟差到離晒大譜」。
圖片來源：電影《合約男女》劇照
失業女兩個半月 分享見工奇遇記
早前這位女生在討論區以「見工問路奇遇記」為題發文，劈頭直指5月開始失業，期間一直積極搵新工，兩個半月間已經見超過30份工，仲要連地理位置都唔揀，「有好幾份工都要去到元朗天水圍流浮山比較偏僻嘅地方，搵路都搵到黐曬線」」，更屢次因為所見的公司位置太偏僻，需要問路而被路人嫌棄「阻住晒」、「問到俾人打咁嘅款」。
見超過30次工無一份請
縱使已經對工作無乜揀擇，僅「新田錦田大棠八鄉河上鄉牛潭尾上竹園」這些「真係入唔到嘅地方冇辦法見」之外，但發文者仍然未有回音，「有啲有whatsapp嘅公司我都會等唔到電話send去問一問，個面試結果一係就話，好多人見緊工你再等下電話先，一係就話面試唔成功，面試未通過」、「你唔適合你都係唔係好啱呀，每一次鼓起勇氣打去間公司問，我係邊個呀早排過左嚟邊度邊度見過工㗎呢，我想問返個面試結果呀都係話，你唔係好啱喎」。
圖片來源：ViuTV《和解在後》劇照
網民勸轉換跑道
發文者坦言搵工搵到好灰心，「見工唔成功已經好灰，見工問路處處都遇到啲唔係咁好嘅人」。悲慘經歷引來網民討論，有網民質疑「無用google地圖搵大約位置先去咩」、「佢地都見緊果份工，當然唔想你見得成」，又同意現時香港「好難搵工」、「請好多外勞」，亦有網民勸她應該考慮轉換跑道，「做住保安，快遞小哥先啦」。
ADVERTISEMENT
