網上熱話｜學生WhatsApp疑被駭客入侵 要求家長支付過萬元「津貼」 仿通告像真度極高！
各式詐騙近年屢見不鮮，連警方都頻頻提醒一眾市民要時常「提子（提防騙子）」。不過，駭客伎倆日益進化，近日又疑似再有新型騙案！早前，有學生家長表示子女的WhatsApp疑遭駭客入侵，使用像真度極高的學校通告向家長索要過萬元「津貼」，幸好涉事家長夠醒目，更發文警世，將整個過程向其他網民分享。
圖片來源：TVB《親親我好媽》劇照
學生WhatsApp疑遭駭客入侵
騙徒手法層出不窮，其實有時都幾有創意。早前，有家長在社交平台發文警示，直指家長群內流傳一宗最新騙案模式，駭客疑似專攻小朋友、學生的WhatsApp，並藉此WhatsApp向家長索取金錢。
圖片來源：Threads
用仿真度極高通告索要「津貼」
據該網民上傳的照片中，可見騙徒利用學生的WhatsApp聯絡家長，假冒學生申請「學生活動支援津貼」，並直接將申請表格send給家長，試圖向家長騙取金錢。從對話內容中，可見騙徒與家長的對話全英文進行，模仿學生表示表格是「老師叫我send俾你」、「我哋要俾港幣12,060」，更疑似有商有量地問家長「我哋而家俾好唔好？」、「我想參加，可唔可以而家俾？」
醒目家長一眼揭穿
雖然騙徒所用的藉口似層層，而且又提供埋學生活動支援津貼申請表的PDF，但醒目的家長就一眼踢爆，質疑「份表格明明係申請津貼，點解要先俾錢出嚟？」。最新騙案模式亦引起網民關注，有網民表示騙徒應該「俾啲誠意整返份英文表格」，又指「啲對話好奇怪」、「唔make sense」，更笑稱「香港細路唔會咁同阿媽講嘢」、「太有禮貌」。
ADVERTISEMENT
