網上熱話｜港女請人遇著00後妹妹 1原因唔想返10點 網民反斥：問吓都唔得？
一年容易又就嚟到暑假，大批學生都開始搵暑期工又或者正式搵工，網上陸續出現不少見工和請人的有趣經歷。早前一位港女在社交平台上發文，指近日幫公司請人時，見了一位20歲的青春少艾，惟對方疑似因1事而唔太想返朝早10點，引來網民兩極留言。
圖片來源：ViuTV《和解在後》劇照
港女請人遇著00後妹妹
早前，一位港女在社交平台上發文，指表示公司最近請人，自己有份幫手「見左位20歲妹妹」，面試過程未有多加著墨，但她在尾聲循例問對方「有冇問題想問我？」時，妹妹就問了1個有趣的問題，令她不禁發文與一眾網民討論。
圖片來源：Threads
20歲妹妹1原因唔想返10點
港女稱妹妹先問「係咪一定要返10點？」，而當她反問對方「你係有其他嘢做？」時，妹妹坦然回應指「無呀，我通常12點先起身，睇吓可唔可以返晏啲，你地office 有冇其他時間揀」。
圖片來源：ViuTV《和解在後》劇照
網民留言兩極
無奈的事主在聽到此答覆後僅回應「你可以返去等消息」，而事件就引來大批網民兩極留言。有網民同樣感到無奈「原來話自己會晏起身要返晏啲係正常問題」、「呢一代人思想真係好跳，以前返學又唔見問下晏啲返得唔得」。惟亦有網民力撐妹妹，「其實無乜野，只係問題問得衰啫」、「問吓都唔得？好多office都返緊flexi hour，一個星期幾日WFH喇」、「你出去睇吓個世界先啦阿嬸」。
