網上熱話｜灣仔兩餸飯強勢推出$8麻婆豆腐飯 震撼價獲封窮人恩物！
兩餸飯近年在香港大行其道，不少人諗唔到食乜又或者想慳錢時，都會不期然買兩餸飯外賣。在兩餸飯舖頭開到周街都係的時候，要在同行間突圍而出，確實需要搞搞新意思。近日，有網民就發現灣仔一間兩餸飯舖頭強勢推出$8麻婆豆腐飯，引來大批網民熱議。
圖片來源：Facebook@香港兩餸飯關注組
灣仔兩餸飯強勢推$8麻婆豆腐飯
近日，有網民在社交平台發文，分享早前經過位於灣仔的「老闆娘家常飯」兩餸飯舖頭時，發現門外貼有震驚眾人的海報。海報上寫明「震撼價！麻婆豆腐飯只需$8」，引來大批網民熱烈討論。
圖片來源：小紅書
圖片來源：小紅書
以往曾推多項優惠
有指，老闆娘家常飯今次推出的優惠與搵食資訊APP平台合作，乘客只需下載應用程式，即能以$8超低價優惠購買麻婆豆腐飯。網民更透露，這間兩餸飯店不時都會推出超抵優惠，以往就曾經賣過$39兩餸飯放題、$25兩餸早餐，以及全日供應的$8雞髀飯、下午茶時段限定的$10鰻魚飯等。
網民盛讚：白飯都至少賣$10啦！
在百物騰貴的香港，這間兩餸飯舖頭以超抵價賣飯盒引起網民關注，有網民表示$8完全超值，「白飯都至少賣$10啦」，又大讚這間食店的食物質素有保證，「啲炸雞翼好靚」，有網民更激動留言指「完全是窮人恩物，有頂爛市效果」。
ADVERTISEMENT
送香港迪士尼樂園20周年限定精品及一日門票！
