2025-09-22 13:00:00

花店搞錯求婚花束卡片紅事變白事準新郎嬲爆店主回應惹爭議

求婚結婚大多都是一生人一次，事前準備功夫當然唔少得，要讓另一半感受到誠意，花束、戒指等統統都要有！早前，一位港男準備向女友求婚，向花店訂了一束紅玫瑰，不過花束到手後，卻驚覺上面的卡片文字並非自己事前提供的內容，令到成件事由紅事變白事！

港男訂花準備求婚收到始揭搞錯卡片

早前一位港男為向女友求婚，在一間花店訂了紅玫瑰，他亦貼心地向花店提供埋卡片文字內容，想要寫上「My Blair, Can you Marry Me? :D」，豈料花束到手後，雖然紅玫瑰依舊，但卡片上的字句就完全不同！

紅事變白事店主咁回應？

最終送到港男手上的紅玫瑰卡片上的內容為「祝你安息。願天堂上再沒有痛苦和病痛，做個健康快樂小天使，希望你可以用另外一個方式繼續祝福一直疼錫你的家人，我相信將來在天上一定會再相見！」由求婚變成惜別、紅事變白事的港男當然嬲爆，店家的回應就僅將責任放在物流身上，直指「經過調查後，發現物流把心意卡調亂了」。

回覆連姓都打錯

事主對店家的錯失和解釋極不滿意，揚言「求婚你俾張咁嘅卡我」、「你有對過我資料」，而「所謂嘅回覆」亦是「完全無誠意連姓都打錯用Chatgpt所謂道歉」。一眾網民就留言表示「大癲，生人收錯都已經大吉利是又掃興，另一邊嚴肅場合係咪收到求婚？」、「咁大間舖頭基本檢查都冇架咩？」、「好彩係過你手先，如果係直接送去女仔到，應該會激到佢爆血管」、「被調亂嗰個顧客都正喎！佢個已故朋友既家人收到張咭係”can you marry me”，可能會問佢係咪有興趣冥婚」。