圖片來源：電影《衝鋒．火拼》劇照、MBC《現在撥打的電話》劇照
自從網上轉賬變得方便之後，同朋友出街食飯夾錢唔使慢慢數銀紙，只要一機在手又有對方電話號碼或QR code即可隨時隨地過數，有時更可以加上備註，方便大家記錄。不過，近日有網民表示網上轉賬的備註原來有人會密切監察，更以親身經歷發文警世「千萬唔好亂寫」！
圖片來源：Threads
網上轉帳備註寫「買槍」
網上轉賬十分方便，特別是與朋友聚餐後唔需要慢慢夾錢，大家各自用不同平台過數就得。不過，有網民近日就發文警世使用網上轉帳時，備註部份千祈不可以亂寫！事源發文者本來用網上轉帳向朋友過飯錢，可能一時貪得意，竟在備註位置寫上「買槍」。
事後接1電話嚇破膽
原本以為只是朋友間的玩笑，豈料銀行職員「過咗一陣」竟主動致電發文者，詢問「先生，請教吓你剛才轉帳嘅交易用途係咩？」發文者為了解釋「買槍」原因，只好說笑道「我買嘅係《Call of Duty》遊戲裝備呀」。
圖片來源：MBC《現在撥打的電話》劇照
網民熱烈討論
發文者以自身經歷警惕其他網民，「備註千萬唔好亂寫玩嘢，系統真係會Auto-Hold戶口打俾你核實」。帖文引起網民關注，有相同經歷的網民表示「試過gums打錯guns，後續一樣」；亦有網民鬧爆發文者無聊當有趣，「有幾戇X先會咁做」、「你個FD俾你害死」，更揚言「唔好以為好過癮，一俾銀行列咗做黑名單會好麻煩，銀行可以隨時封你戶口，將來出糧收租投資做生意都唔方便」。
