am獨家｜「深水埗館長」大隻佬手工餃子專門店 推$88魚翅撈飯搶客
本報去年10月率先報導深水埗爆肌紋身大隻佬阿Nick，在福華街開設手工餃子專門店，不少網民睇am專訪片後留言回應，話大隻佬跟台灣網紅「館長」陳之漢勁相似！引來一眾好奇食客捧場食餃子，爭相同大隻佬打卡。
新增養生藥膳雞湯配餃子
餃子店由大隻佬同雙親家庭式經營，採用7瘦3肥比例的新鮮免治脢頭豬肉，每天店內包製餃子。特別迎合愛美女客人而設花膠香菇鮮肉餃；亦有啱年輕人口味的黃金鹹蛋黃鮮肉餃、粟米芝士鮮肉餃，適合煎脆吃；大眾化口味離不開白菜鮮肉、韭菜鮮肉餃。
小店最大特色是湯餃提供八款湯底讓客人自選，紅棗杞子花膠雞湯最受歡迎，亦有住家風味番茄豬膶瘦肉湯、味菜胡椒豬肚湯、鮮松茸雜菌雞湯，還有近期新增的養生藥膳雞湯、醉雞湯及椰子雞湯。藥膳雞湯用了當歸、紅棗、北芪、黨參、川芎、杞子一起熬製，藥材味突出算易入口，吃罷有暖胃感，比起坊間味精湯底有誠意得多。
市道低迷諗計吸客
別看穿背心的大隻佬一雙手臂布滿獅子紋身，他私底下是愛貓之人，店內所有盛載餃子的碗碟都印上可愛貓貓圖案，與其形象帶來反差，也是小店一大有趣之處！
從事餐飲業多年的大隻佬感慨表示：「今時今日食店生意真的很難做！深水埗區有不少食肆執笠，我們的餃子店午市都比較靜，專賣餃子行不通。我們唯有諗計推出花膠雞鍋、酸菜魚鍋、花甲粉絲鍋，又賣多款小食，給客人多些選擇。剛剛就新推$88魚翅撈飯，用八百幾蚊斤的海味舖金山勾翅，每份落足三梳翅。」
小食減$10優惠
大隻佬媽媽熬製雞湯底，再加入鯊魚骨、瑤柱、雞絲、冬菇、火腿絲熬煮而成，鮮味十足。一客大大份，跟一碗頂級泰國香米撈飯食。客人食魚翅撈飯，更可以優惠價減$10點選小食一份。
$73平民價花膠雞鍋
有感女士們對花膠情有獨鍾，大隻佬特設一人份金湯花膠雞鍋，採用三黃雞及越南厚身鱈魚膠，啖啖膠質。雞湯鍋配料還有娃娃菜、唐生菜、金菇及豆卜，更附上薯粉、米線、幼麵或餃子兩隻，一大鍋只售$73。大隻佬期望在低迷的餐飲市道能夠突圍吸客！
大隻佬手工餃子專門店
地址：深水埗福華街182C號地舖
電話：9827 9881
營業時間：11am-9:30pm