科技
2025-05-03 13:45:53

WhatsApp打電話都得 HONOR Pad X9a平板入門抵玩

分享:

用到 WhatsApp打到電話的4G平板電腦,HONOR Pad X9a 評測!

HONOR近日於香港推一款定價開價$1,799起的平價平板電腦”HONOR Pad X9a”,該平板LTE版支援4G網絡,所以可以用來打電話及使用WhatsApp。而今次就同大家試玩這款平板電腦。

HONOR Pad X9a採用全金屬機身設計,重量475g,厚度6.77mm,拿上手感覺輕巧。相比同尺寸平板,便攜性算不錯,放入背囊帶出街都唔會太重。機身做工幾紮實,冇廉價塑料感,以這個價位來說算交足功課。

唔好期望流暢運行大型遊戲

平板用上11.5吋2.5K屏幕,解像度2000×1200,顯示效果清晰細膩。120Hz刷新率令滑動畫面更流暢,睇片同打機體驗都不錯。屏幕具備護眼功能,長時間使用都冇咁易眼攰,適合鍾意煲劇的用家。

adblk5

HONOR Pad X9a屏幕開孔部份設有500萬像前置鏡頭,機背搭載了800萬像主鏡,機身兩側都設有雙揚聲器,機側設有SIM卡卡槽。,並提供LTE上網及撥號功能。另外該平板預裝Magic OS 9.0,256GB ROM版本扣除Magic OS系統仍有228GB ROM 供用戶使用。

該平板採用配備Snapdragon 685處理器,內建8GB (4+4)+ 256GB ROM,搭載500萬像主鏡及500萬像自拍鏡頭,電池容量為8300mAh。充電速度尚可。不過要留意,這款定位入門至中階,唔好期望可以流暢運行大型遊戲。於 AnTuTu 得分達372,158分。

WiFi版定價$1,799

HONOR Pad X9a預載MagicOS 9.0系統,內置幾項實用AI功能,例如手寫筆記轉文字、語音轉文字等,對學生同上班族做筆記幾有用。不過實際準確度如何就要試過真機先知。由於支援雙4G網絡,系統內設有語音撥號功能。而且於 Play 商店上,更可以直接安裝WhatsApp於平板上使用。

adblk6

HONOR Pad X9a WiFi版定價$1,799,LTE版為$1,999,以這個規格來說算合理。而家買仲送價值$599的藍牙鍵盤,變相抵玩咗。如果想買部平平地嘅大屏平板睇片、上網,Pad X9a值得考慮。

文章獲Mobile Magazine授權轉載

立即更新/下載AM730手機APP 體驗升級功能

全新會員積分獎賞計劃 打開App進入會員專區體驗升級功能