2025-07-31 12:45:00

全紅嬋被指發福兼未能完成捲腹訓練？跳水女王高敏：她對自己有多麼苛刻

中國跳水選手全紅嬋喺巴黎奧運衛冕女子十米高台跳水金牌，僅以17歲之齡就成為中國隊奪得三項金牌嘅最年輕選手，打破跳水皇后伏明霞紀錄。全紅嬋多次試跳近乎無水花，網民戲稱佢係識「水花消失術」。

不過，今年全紅嬋因腳腕舊傷復發以及腰部勞損，早前宣布退出5月下旬嘅全國跳水冠軍賽及新加坡游泳世錦賽。全紅嬋近期終於「復操」，同樣來自廣東隊嘅男子跳水運動員陳艾森，日前post出訓練嘅影片。但係片中嘅全紅嬋似乎身型比前圓潤，更加完成唔到捲腹訓練，需要坐在地下回氣。有網民睇見都好擔心全紅嬋嘅狀態，能否重返奧運摘金時嘅巔峰。尤其是而家全紅嬋步入青春期，身型體重都唔容易保持。

曾經奪得多項跳水錦標嘅「中國跳水女王」高敏，拍片回應外界對全紅嬋嘅評論。高敏對於全紅嬋的缺席賽事不感驚訝，因為包括佢自己在內，好多運動員喺職業生涯中都以各種原因而停賽一段時間。高敏強調過去幾年全紅嬋有嚴格控制體重，「要知道她從東京奧運會結束，到巴黎奧運會這3年的周期裡，一直把自己的體重控制得非常好，可以想像她對自己有多麼苛刻」，並指出直到巴黎奧運結束，全紅嬋先「放飛自我」，體重才漲了起來。