德甲｜哈利卡尼（Harry Kane）破無冠魔咒：等了好耐 感覺好爽
哈利卡尼（Harry Kane）終於打破職業生涯長達多年無冠的魔咒，隨拜仁慕尼黑於周日（4日）正式奪得德甲冠軍後表示：「這一刻真的好爽！」
這名英格蘭足球隊隊長於2023年從熱刺轉投拜仁，本季成為球隊衝冠的重要功臣，29場聯賽攻入24球，更於去年11月成為德甲史上最快攻入50球的球員，僅用43場就達標。
隨着利華古遜作客未能贏波，間接為拜仁鎖定冠軍，卡尼與隊友一同慶祝這個遲來的榮耀。他於社交媒體上載身穿拜仁球衣的發文：「昨晚真係一個美妙夜晚，和球員、教練團隊一齊慶祝。我相信今日大家都仲有宿醉，但感覺好極了。」
「等了好耐，付出好多努力與專注，終於能贏得人生第一個聯賽冠軍，感覺真係爽。」
原本拜仁有望於上周五（2日）對RB萊比錫提前封王，但補時階段被逼和3:3，令到真正奪冠一刻延遲至利華古遜失分後才落實。
周六與拜仁球迷慶祝
拜仁將於本周六（10日）主場迎戰慕遜加柏，屆時他將可親自上陣，並與主場球迷一同慶祝。卡尼補充道：「多謝大家一如既往支持，呢份支持我哋一定感受到！好期待接下來幾個星期，亦迫不及待想喺安聯球場與球迷一齊慶祝。當然，我目標唔止於此。下一個目標已經開始，繼續爭取第2個錦標！」
卡尼加盟拜仁的首季，卻是拜仁11年來首次四大皆空。引來不少調侃卡尼生涯「決賽必輸」、「永無冠軍」的宿命。但如今終於打破宿命，奪得生涯首個大賽冠軍，為15年職業生涯寫下重要一章。
贏到獎之後，會唔會返英超衝擊入球王紀錄呢？
原文刊登於 Yahoo 體育
立即更新/下載AM730手機APP 體驗升級功能
