體育
2021-10-04 18:50:00

殘奧銅牌陳浩源嘆體院資源不均要外出租場

分享:
陳浩源慨嘆體院未能提供資源。(資料圖片)

陳浩源慨嘆體院未能提供資源。(資料圖片)

(陳浩源Instagram圖片)

(陳浩源Instagram圖片)

在早前的殘奧會為香港取得一面羽毛球銅牌的陳浩源,昨日(3日)在Instagram慨嘆體院的資源分配不均,令到殘疾人羽毛球隊未能使用體院內的羽毛球場館,反要自己在外租場以及爭車位。

陳浩源昨日在Instagram表示:「近來好多人問我會唔會退役,會唔會打多三年去巴黎。坦白講,我都有向唔同方面好好考慮緊。當中就包括資源同配套,而場地亦係當中重中之重!」

全職殘疾隊唯一缺固定場地

陳指在全職的殘疾人運動中,羽毛球隊是唯一欠缺固定訓練場地的代表。他表示體院的16個羽毛球場,很多時都已被健全隊使用,以致無法空出兩個場給予殘疾隊。陳又表示:「當然,體院都有難處。健全羽毛球隊有差唔多60人,16個場好似都唔夠用。」但他質疑:「到底資源應該點分配?按咩基準去分配?係咪健全運動員就可以享用最好嘅場地,最好嘅時間?」

他指:「有人話,羽毛球場俾晒健全隊話事,佢地(哋)俾就俾。我明白,以前得健全羽毛球隊一個係羽毛球場地嘅持份者,梗係佢地話事啦。不過我地(哋)殘疾人隊都全職咗4年,其實係咪可以預埋我地(哋)一份?」他又質疑:「有人話,健全隊練緊,唔可以有其他隊喺度。一來我地(哋)都係羽毛球隊。二來我地(哋)又唔係佢地(哋)比賽對手,河水不犯井水。三來如何傷健連同一時間放入一個場地入面都唔得,又點提倡共融?」

最後陳浩源表示,可能在他人眼中覺得他是在投訴、在表達訴求,不過他指:「我打多3年,追求巴黎更進一步。球隊發展多一個10年,殘疾羽毛球成為香港傳統殘奧運動的基本配套。」他表示:「見到大部分健全運動員都咁幸福,有咁好嘅資源配套。不如都俾我地(哋)幸福埋一份啦。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受