娛樂
2022-11-29 17:48:19

張繼聰開騷嚴禁男神女神上台搶風頭 最驚囡囡睇到扭眼瞓

分享:
張繼聰將於12月1日舉行演唱會。

張繼聰將於12月1日舉行演唱會。

張繼聰將於12月1日(周四)在麥花臣場館舉行《Welcome to route 37》演唱會,向來人緣極佳的阿聰,曾與不少男神女神合作,單是《季前賽》已跟姜濤、呂爵安、邱士縉、郭嘉駿等MIRROR、ERROR成員合作,還有《飯戲攻心》的黃子華、鄧麗欣和林明禎等,不過他事先聲明不想被搶風頭,「我想焦點落喺我自己身上,所以會用鐵鏈鎖住佢哋唔俾佢哋上台。」至於太太謝安琪與子女當然會捧場,不過阿聰心情就好矛盾,「其實囡囡未睇過我做騷,希望佢會享受,因為小朋友鍾唔鍾意好直接,我怕佢扭眼瞓就弊喇。不過如果佢睇得興奮撐足全場,第二日都要準時起身返學,唔想影響佢嘅學業!」

阿聰密鑼緊鼓為演唱會綵排。 阿聰表示演唱會延期讓他有更足夠時間練歌。

個唱不騷肌

近日阿聰密鑼緊鼓綵排,早前雖因確診而押後個唱,反而有更充裕時間練歌,並重聽之前綵排的聲帶,可作開騷前檢討,如今更為淡定,「我呢啲限量型嘅歌手,真係唔知幾時會再搞騷,所以令每張門票更顯珍貴。依家係好享受一啲都唔緊張,臨上台就唔知。」阿聰自言歌影視都有涉足,有很多圈中人捧場,搞到一身飛債,「主辦方要用『五餅二魚』方式搵門票比我。」身型fit爆的阿聰表示,今次個唱不會騷肌肉,揚言叫樂迷留意歌衫:「有一條百幾年嘅古董銀器,仲猛過啲百幾萬首飾啦!我想大家入場好似萬聖節咁,著古裝、著唐裝都唔怕。而剛剛我有另一架70年電單車巳辦妥晒手續,呢次都會展出比大家欣賞,大家睇好喇唔好用手掂!」

張繼聰預告演唱會有男神女神捧場,未知《季前賽》的MIRROR、ERROR成員會否現身? 張繼聰在《飯戲攻心》黃子華、鄧麗欣、林明禎等合作。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受