娛樂
2022-08-26 17:00:00

送荃灣豬肉佬阿威閃卡惹網民不滿 品牌疑割席跪低氹返Jeffrey粉絲:男神只得一個

分享:

密實袋公司搵人 邀請阿正拍廣告

荃灣豬肉佬阿威(劉宋威)自除口罩揭真面目後,有指因而流失唔少粉絲,阿威就喺手臂紋上「威威豬」以冧住一班粉絲,不過似乎人氣已經無之前咁勁。近日密實袋公司為阿威推出限量閃卡卻惹起網民不滿,斥品牌點解唔起用代言人Jeffrey魏浚笙。結果,密實袋公司疑似跪低變陣。

阿威張閃卡「睇到有PTSD」

阿威張閃卡其實極有誠意,除咗限量100張,阿威更加擺出「手指心」動作並印有燙金簽名;不過,網民似乎唔賣帳,唔單止喺買賣平台見到有人以15元放售,一班網民仲湧到「佳能」專頁留言:「請問點退回豬肉威嘅卡?」、「睇完就有PTSD」、「送嚿豬肉好過」、「見到張卡反而唔想買」、「有冇得退貨呀?」等等,仲提到從此唔買其產品。

密實哥啊正好match

唔知係咪密實袋公司想及時解決呢場公關災難,搵嚟黃正宜(阿正)拍新宣傳片,出PO話:「我哋都聽到大家嘅聲音,就係男神只得一個,佢只會係密實哥!!!密實哥咁靚仔,真係好想得到佢!不過想俘虜男神嘅心,首先要識得俘虜佢個肚!阿正教大家用愛心魔法整大大條法包三文治畀密實哥食啦,保證佢食完返唔到轉頭點都黐實你啦!記得整嘅時候要喺心入面諗住男神,咁就法力加倍~你都試下用愛心閃光彈俘虜男神嘅心,順便閃爆附近嘅單身狗啦(戴返副黑超先)!」

網民對此表示支持:「實哥同啊正真係好match」、「支持Jeffrey」等等。不過,都有網民繼續唔收貨,直言「佳能」呢個行為已經無咩用:「用過豬肉威代言,好難翻身了佳能」、「但威威閃卡,已全部入哂落保鮮紙、密實袋,你買返來,隨時打開就見到」等等。

買密實袋送威威閃卡

買密實袋送威威閃卡

荃灣鮮肉威威應援團Facebook

近日密實袋公司邀請阿正拍廣告

近日密實袋公司邀請阿正拍廣告

Glad HK Facebook

近日密實袋公司邀請阿正拍廣告

近日密實袋公司邀請阿正拍廣告

Glad HK Facebook

近日密實袋公司邀請阿正拍廣告

近日密實袋公司邀請阿正拍廣告

近日密實袋公司邀請阿正拍廣告

魏浚笙(Jeffrey)

魏浚笙(Jeffrey)

原文刊登於 Yahoo 娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受