娛樂
2022-04-17 15:32:24

鄧健泓自爆背李施嬅情挑石詠莉 被轟渣男

分享:
鄧健泓在陳敏的個人YouTube頻道,自爆背李施嬅情挑石詠莉。

鄧健泓在陳敏的個人YouTube頻道,自爆背李施嬅情挑石詠莉。

陳敏之開設個人YouTube頻道,不時邀請圈中好友撐場,早前一集就請來鄧健泓做嘉賓,並重提感情史。鄧健泓入行後,感情生活多姿多彩,先後與蓋世寶、原子鏸、李施嬅、龔嘉欣等拍拖,直至2013年與老婆石詠莉拍拖,並於2017年拉埋天窗。

節目中,鄧健泓坦言2007年已對石詠莉心動,更大爆自己背着李施嬅情挑對方,他亦直認賤格:「我第一次見佢(石詠莉)係喺《勁歌金曲》,我做完《勁歌》後......呢啲咪賤格囉!我傳訊息flirt(調情)佢。因為我嗰陣有女朋友,我只係flirt佢。我知佢住西貢,嗰度有間麥當勞,我約佢食消夜,佢話『好呀』。但始終有個問題唔係好好,我有女朋友......結果講完就算,因為我驚!堅驚!所以當佢係朋友,07年後無再溝通。」

鄧健泓曾與李施嬅拍拖 鄧健泓自爆背著李施嬅與石詠莉調情。

鄧健泓自認「衰仔」

鄧健泓表示直至12年回復單身,偶而聽到石詠莉翻唱的《我代你哭》,才鼓起勇氣再聯絡對方,最終修成正果。此片一出後,惹來大量負評,雖然鄧健泓已認「衰仔」,但不少網民稱鄧健泓為「渣男」,更有網民發現該片離奇下架,懷疑是鄧健泓要求,不過陳敏之回覆傳媒表示,只是技術上錯誤,很快會重新上架。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受