娛樂
2022-08-19 11:38:21

炎明熹望用一年時間增值儲歌 目標18歲開紅館演唱會

分享:
Gigi接受Do姐電台訪問大談四個月的內地生活,坦言目標18歲開紅館騷。

Gigi接受Do姐電台訪問大談四個月的內地生活,坦言目標18歲開紅館騷。

炎明熹(Gigi)早前到內地參與綜藝節目《聲生不息》,回港後即馬不停蹄工作,近日更推出新歌《焰》。Gigi昨日(18日)接受Do 姐電台節目《口水多過浪花》訪問,被問到日前有消息指年僅17歲的她在短短4個月勁賺近200萬,而她更希望18歲能首次置業,宏願是買足10層樓。Gigi 承認確有此事,她表示買10樓是家人給她的目標,並謂:「屋企人覺得要有層樓揸喺度,呢個都轉化成我嘅目標。將人哋嘅目標,當成自己目標,就可以一齊追尋呢個目標。」至於為何是10層樓,Gigi即搞笑表示:「可能佢哋覺得10呢個數字整齊啲。」Do姐即驚訝回應:「你有冇同阿媽講,喺香港買一層都難,首期都好艱難呀!」Gigi 就透露可能會在海外不同地方置業。除了買樓,Gigi另一個目標便是開紅館演唱會,她坦言希望用一年時間增值自已及儲歌,望18歲可以成功開騷。

提到在內地逗留近四個月的日子習慣嗎? Gigi 自言自己適應力強,並透露在內地進行隔離的21天裡,每天都非常充實,除做運動,睇書、每天更會花3小時練歌,Gigi 更表示節目組為她揀了第一首參賽歌曲《蜚蜚》非常巧合:「其實呢首歌本身之前係《星夢傳奇》都有諗住唱,但最終冇揀到,今次節目組竟然挑選到呢首歌,我就恍然大悟,係喎!我本身都諗住唱呢首歌,所以機緣巧合之下就唱咗呢首歌」。 被問到最擅長唱什麼類型的歌曲,她笑言自己都不知道:「因為我鍾意挑戰唔同嘅嘢,但係我應該係唱抒情嘅比較多,重金屬個種就比較少,自己都想挑戰下,但驚自己用錯左聲,聲線會潰爛」。

現年17歲的Gigi表示從內地回港後成熟不少,並坦言現在的她說話前會先考慮別人感受,「會諗呢件事講出嚟會唔會傷害到人呢?」。被問到今次回港會否不捨得在內地定居的父母,Gigi 謂:「以前嘅自己會好唔捨得,但而家可能成熟咗,就明白到大家都有各自嘅嘢做,各自嘅生活,所以係會理解多啲,加上科技非常發達,手機都可以通訊,當然冇見到咁開心,」她更透露在長沙的日子,父母也有前來探望,媽媽更擔當後台工作,替她攞衫換衫,並體諒到她忙碌的工作,並向Gigi 表示:「阿囡我哋終於明白點解你回覆唔到我哋訊息。」即將升上中六的Gigi,明年將要考DSE,她表示希望將來可以繼續進修時裝設計或音樂,但亦會繼續演藝事業,兩者兼顧。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受